ପୁରୀ (ମଧୁସୂଦନ ମିଶ୍ର): ଲଗାଣ ବର୍ଷା ପରେ ପୁରୀ ସହରର ସୁଜାତାନଗର ଓ ମାଟିତୋଟା ଅଞ୍ଚଳରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି। ମୁଖ୍ୟ ରାସ୍ତାରେ ଆଣ୍ଠୁଏ ଉଚ୍ଚର ପାଣି ଜମି ରହିବାରୁ ଲୋକେ ଦୁଇଦିନ ହେଲା ନାହିଁ ନଥିବା ହଇରାଣ ହେଉଛନ୍ତି । ଘରୁ ବାହାରିବା ଏକ ପ୍ରକାର ଅସମ୍ଭବ ହୋଇ ପଡ଼ୁଛି।
ଜାତୀୟ ରାଜପଥ ନିର୍ମାଣ ପରେ ପାଣି ନିଷ୍କାସନ ପାଇଁ କୌଣସି ବ୍ୟବସ୍ଥା କରାଯାଇନଥିବାରୁ ୨ ବର୍ଷ ହେଲା ସ୍ଥିତି ଏଭଳି ହେଉଥିବା ଅଭିଯୋଗ ହୋଇଛି । ଗତବର୍ଷ ମାସାଧିକ କାଳ ପାଣି ଜମି ରହିଥିଲାବେଳେ ଲୋକେ ଖୁବ୍ ସମସ୍ୟାର ସମ୍ମୁଖୀନ ହୋଇଥିଲେ।
ତା ପରେ ପାଣି ନିଷ୍କାସନ ଲାଗି କଲଭର୍ଟ କରିବାକୁ ଜିଲ୍ଲା ପ୍ରଶାସନ ପ୍ରତିଶ୍ରୁତି ଦେଇଥିଲା। ବର୍ଷକ ପରେ ବି କଲଭର୍ଟ ତିଆରି ନ ସରିବାରୁ ଏଥର ପରିସ୍ଥିତି ଆହୁରି ସଙ୍ଗୀନ ହୋଇଛି। ଏହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଲାଗି ରହିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
