ଦୁଷ୍କର୍ମ ପୀଡ଼ିତାଙ୍କ ମୃତ୍ୟୁ: ବଳାତ୍କାର କରି ନିଆଁ ଲଗାଇ ଦେଇଥିଲା ଶ୍ୱଶୁର

<p>ରାଇରଙ୍ଗପୁର(ଓଡ଼ିଶା ରିପୋର୍ଟର):&nbsp;ରାଇରଙ୍ଗପୁରରେ ଶ୍ୱଶୁର ଦ୍ୱାରା ଦୁଷ୍କର୍ମର ଶିକାର ହୋଇଥିବା ଯୁବତୀଙ୍କ ମୃତ୍ୟୁ ହୋଇଯାଇଛି। କୁକର୍ମ ଲୁଚାଇବା ପାଇଁ &nbsp;ଶ୍ୱଶୁର ତାଙ୍କ ଦେହରେ କିରାସିନି ଢାଳି ନିଆଁ ଲଗାଇ ଦେଇଥିଲା। ଗୁରୁତର ଅବସ୍ଥାରେ ତାଙ୍କୁ ଜାମସେଦପୁରର ଏକ ଘରୋଇ ଡାକ୍ତରଖାନାରେ ଭର୍ତ୍ତି&nbsp; କରାଯାଇଥିଲା। ତେବେ ଗତକାଲି&nbsp; ରାତିରେ&nbsp; ତାଙ୍କର ମୃତ୍ୟୁ ହୋଇଯାଇଛି। ତାଙ୍କ ଶରୀର&nbsp; ପ୍ରାୟ ୯୫ ପ୍ରତିଶତ ପୋଡ଼ି ଯାଇଥିଲା।</p> <p>ଅଭିଯୁକ୍ତ ଶ୍ୱଶୁର ରାମଗୋପାଳଙ୍କୁ&nbsp; ପୋଲିସ ଗିରଫ କରିଛି। ଦୁଇ ବର୍ଷ ତଳେ ଏହି ଯୁବତୀ ରାଇରଙ୍ଗପୁରର ବଜାର ସାହିରେ ରହୁଥିବା ରାମଗୋପାଳଙ୍କ ପୁଅଙ୍କୁ ବାହା ହୋଇଥିଲେ। ତାଙ୍କ ନିଜ ଘର ସୁନ୍ଦରଗଡ଼ରେ। ଅନେକ ସ୍ୱପ୍ନ ନେଇ ଆସିଥିବା ଏହି ଯୁବତୀଙ୍କ ଉପରେ ତାଙ୍କ ଶ୍ୱଶୁରଙ୍କ ଥିଲା ଲୋଲୁପ ଦୃଷ୍ଟି। ଝିଅଟିର ବାପଘର ଲୋକେ ଅଭିଯୋଗ କରିଛନ୍ତି ଯେ ଜ୍ୱାଇଁଙ୍କ ଅନୁପସ୍ଥିତିରେ&nbsp; ସେ ତାଙ୍କୁ ବଳାତ୍କାର କରିଥିଲା। ଏନେଇ ସେ ତାଙ୍କ ସ୍ୱାମୀକୁ ହ୍ୱାଟ୍&zwnj;ସପ୍&zwnj; ଜରିଆରେ ଜଣାଇଥିଲେ। ଉକ୍ତ ମେସେଜକୁ ସେ ସେମାନଙ୍କୁ (ବାପଘର ଲୋକଙ୍କୁ) ମଧ୍ୟ ପଠାଇଥିଲେ। ଏହା ଏକ ସୁଚିନ୍ତିତ ଷଡଯନ୍ତ୍ର ବୋଲି ଯୁବତୀଙ୍କ ଘର ଲୋକେ ଅଭିଯୋଗ କରିବା ସହ ଏହାର ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି।</p> <p>ସୂଚନାଯୋଗ୍ୟ, ଗତ ଶୁକ୍ରବାର ସକାଳ ପ୍ରାୟ ୭ଟା ବେଳେ ଏହି ଯୁବତୀଙ୍କ ଦେହରେ ତାଙ୍କ ଶ୍ୱଶୁର କିରାସିନି ଢାଳି ନିଆଁ ଲଗାଇ ଦେଇଥିଲେ ବୋଲି ଅଭିଯୋଗ ହୋଇଛି। ସ୍ୱାମୀ, ଶାଶୂ ଓ ନଣଦ ତାଙ୍କୁ ଉଦ୍ଧାର କରିଥିଲେ।</p>