ବିନିକା(ଦିଲୀପ ପଣ୍ଡା): ଘର ନିର୍ମାଣ ବେଳେ ଖସି ପଡି ଜୀବନ ହାରିଲେ ରାଜମିସ୍ତ୍ରୀ । ଏଭଳି ଦୁଃଖଦ ଘଟଣା ଘଟିଛି ସାଲେଭଟା ଫାଣ୍ଡି ଲୁହୂରାମୁଣ୍ଡା ଗାଁରେ I ମୃତ ବ୍ୟକ୍ତି ଜଣକ ହେଲେ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ଶୁଖା ଗାଁର ସୁରେନ୍ଦ୍ର ନାଏକ (୪୮ ) I
ସୁରେନ୍ଦ୍ର ଘର ନିର୍ମାଣ କରୁଥିବା ସମୟରେ ବାଉଁଶ ତିଆରି ଭାଡ଼ିରୁ ଖସି ପଡ଼ିଥିଲେ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ଡୁଙ୍ଗୁରିପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ I ଡୁଙ୍ଗୁରିପାଲି ପୁଲିସ୍ ଶବକୁ ଜବତ କରି ତଦନ୍ତ ଜାରି ରଖିଛି I