ଭୁବନେଶ୍ୱର: ରାଜ୍ୟ କ୍ୟାବିନେଟ ବୈଠକ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ ୬ଟି ପ୍ରସ୍ତାବକୁ ଅନୁମୋଦନ ଦିଆଯାଇଛି । ଏ ନେଇ ମୁଖ୍ୟ ଶାସନ ସଚିବ ଗୋକୁଳ ଚନ୍ଦ୍ର ପତି ଏକ ପ୍ରେସମିଟରେ ସୂଚନା ଦେଇଛନ୍ତି । ବୈଠକରେ ଅନ୍ତର୍ଜାତୀୟ ବିମାନ ଇନ୍ଧନରେ ୫ ପ୍ରତିଶତ ଭାଟ ଛାଡ କରାଯିବାକୁ ଅନୁମୋଦନ ଦିଆଯାଇଛି । ଭୁବନେଶ୍ୱରରୁ ଅନ୍ତର୍ଜାତୀୟ ବିମାନ ଉଡାଣକୁ ଉତ୍ସାହିତ କରିବାକୁ ଏହି ପଦକ୍ଷେପ ନିଆଯାଇଛି । ଏହାସହ ମ୍ୟୁନିସିପାଲ କର୍ପୋରେସନ ଆକ୍ଟ ୨୦୦୩ ସେକ୍ସନ ୧୧୯ରେ ସଂଶୋଧନ, ନୂଆ ସ୍ପେଶାଲ ଇକୋନମିକ ଜୋନର ପଲିସି, ରିହାତି ଦରରେ ଜମି, ପ୍ରସେସିଂ ଫିକୁ ଛାଡି ଅନ୍ୟ ଟିକସ ଛାଡ, ଓଡିଶା ସବ ଅର୍ଡିନେଟ ଷ୍ଟାଫ ସିଲେକ୍ସନରେ ୩ଟି ସଂଶୋଧନ ଓ ଜୟଶ୍ରୀ କେମିକାଲ ଆସେଟକୁ ଆଦିତ୍ୟ ବିର୍ଲା କେମିକାଲ ଲିମିଟେଡକୁ ହସ୍ତାନ୍ତର ଆବେଦନକୁ ଅନୁମୋଦନ ମିଳିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
