୧୪୪ ଧାରା ସତ୍ତ୍ୱେ ରାମନବମୀ ପାଇଁ ଚଳଚଞ୍ଚଳ ଭଦ୍ରକ

<p>ଭଦ୍ରକ(ଓଡ଼ିଶା ରିପୋର୍ଟର): ଶ୍ରୀରାମ ନବମୀ ମହୋତ୍ସବ ପାଇଁ ଚଳଚଞ୍ଚଳ ହୋଇଉଠିଛି ଭଦ୍ରକ ସହର। ଏକାଠି ହୋଇଛନ୍ତି ରାଜ୍ୟ ଓ ରାଜ୍ୟ ବାହାର ଶତାଧିକ ସାଧୁସନ୍ଥ ଏବଂ ଶ୍ରଦ୍ଧାଳୁ। ଆଉ ସେପଟେ ସମ୍ଭାବ୍ୟ ଆଇନ ଶୃଙ୍ଖଳା ପରିସ୍ଥିତିକୁ ଆଖିରେ ରଖି ସଜାଗ ହୋଇଉଠିଛି ପ୍ରଶାସନ। ଗତକାଲିଠୁ ଜାରି ରହିଥିବା ୧୪୪ ଧାରାକୁ ଆଜି ମଧ୍ୟ ସହରରେ ବଳବତ୍ତର ରଖିଛି&nbsp; ଜିଲ୍ଲା ପ୍ରଶାସନ। ତା&rsquo;ସହ ସହରକୁ ପୋଲିସ ଛାଉଣୀରେ ପରିଣତ କରାଯାଇଥିବା ବେଳେ ଆଜି ଦିନ ତମାମ୍ ଶାନ୍ତିଶୃଙ୍ଖଳା ବଜାୟ ରହିଛି।</p><p>&lt;a href=&quot;&quot;&gt;(image) &lt;/a&gt;ମନ୍ତ୍ର, ପୂଜାପାଠରେ କମ୍ପୁଛି ଭଦ୍ରକ ସହର। ଶଙ୍ଖଘଣ୍ଟ, ହୁଳହୁଳି ଓ ଜୟଶ୍ରୀରାମ ଧ୍ୱନୀରେ ପ୍ରକମ୍ପିତ ହେଉଛି ଚତୁର୍ଦ୍ଦିଗ। ସାଧୁସନ୍ଥ, ଭକ୍ତ ଓ ଶ୍ରଦ୍ଧାଳୁଙ୍କ ସମାଗମରେ ଚଳଚଞ୍ଚଳ ହୋଇଉଠିଛି ପ୍ରାଚୀନ ସହର ଭଦ୍ରକ। କାରଣ ଆଜିଠୁ ଏଠାରେ ଆରମ୍ଭ ହୋଇଛି ପ୍ରଭୁ ଶ୍ରୀରାମଚନ୍ଦ୍ରଙ୍କ ନବମୀ ମହୋତ୍ସବ। ଏହି ଅବସରରେ ପ୍ରଥମେ ଭଦ୍ରକ ଗାନ୍ଧୀ ପଡ଼ିଆରେ ଅନୁଷ୍ଠିତ ହୋଇଥିଲା ଭୂମି। ଏକାଠି ହୋଇଥିଲେ ସାଧୁ ଓ ସନ୍ଥ। ପୂଜନ ପରେ ସାଧୁ ଓ ସନ୍ଥକୁ ନେଇ କରାଯାଇଥିଲା ଶୋଭାଯାତ୍ରା। ବରପଦାରେ ଏହି ଶୋଭାଯାତ୍ରା ପହଞ୍ଚିବା ପରେ ସେଠାରେ ଗୋ&rsquo; ପୂଜନ ସହ ଶାନ୍ତିପୂର୍ଣ୍ଣ ସାଧାରଣ ସଭା କରାଯାଇଥିଲା। ତେବେ ଗତବର୍ଷର ସାଂପ୍ରଦାୟୀକ ହିଂସାକାଣ୍ଡ ପରେ ସତର୍କତାମୂଳକ ପଦକ୍ଷେପ ସ୍ୱରୂପ ସହରରେ ୧୪୪ ଧାରା ଜାରି କରାଯାଇଛି। ହେଲେ ପ୍ରଶାସନର ଏହି ପଦକ୍ଷେପକୁ ସମାଲୋଚନା କରିଛନ୍ତି ଶ୍ରୀରାମ ମହାଯଜ୍ଞ ସମିତିର କର୍ମକର୍ତ୍ତା।</p><p>&lt;a href=&quot;http://odishareporter.in/wp-content/uploads/2018/03/ramanabami-prepasation-in-bhadrak1.jpg&quot;&gt;(image) &lt;/a&gt;ଶ୍ରୀରାମ ନବମୀର ୨ ଦିନ ପରେ ୨୦୧୭ ମସିହା ଅପ୍ରେଲ୍ ୬ ତାରିଖରେ ଭଦ୍ରକ ସହରରେ ଦେଖାଦେଇଥିଲା ସାଂପ୍ରଦାୟିକ ହିଂସା। ସୋସିଆଲ୍&nbsp; ମିଡ଼ିଆରେ ଏକ ଆପତ୍ତିଜନକ ଧାର୍ମିକ ମନ୍ତବ୍ୟକୁ ନେଇ ଅଶାନ୍ତ ହୋଇପଡ଼ିଥିଲା ସହର। ଯାହାର ପ୍ରଭାବ ଲାଗି ରହିଥିଲା ମାସାଧିକ କାଳ। ଅନେକ ଦିନ ଧରି କର୍ଫ୍ୟ ବି ଜାରି ହୋଇଥିଲା। ତେଣୁ ସମ୍ଭାବ୍ୟ ଆଇନ ଶୃଙ୍ଖଳା ପରିସ୍ଥିତିକୁ ଆଖିରେ ରଖି ଓ ସଦ୍ଭାବନା ବଜାୟ ରଖିବା ଲକ୍ଷ୍ୟରେ ଏଥର ବି ୧୪୪ ଧାରା ବଳବତ୍ତର ରଖିଛି ଜିଲ୍ଲା ପ୍ରଶାସନ। ସହରରେ ୨୫ ପ୍ଲାଟୁନ୍ ଫୋର୍ସ, ୨ କମ୍ପାନୀ ଓଏସ୍ଏପି, ୨ ପ୍ଲାଟୁନ ସିଆର୍ପିଏଫ୍ ନିୟୋଜିତ କରାଯାଇଛି। ସେହିଭଳି ପ୍ରତି ଛକରେ ପୋଲିସ ପଇଁତରା ସହ ସୁରକ୍ଷା ବ୍ୟବସ୍ଥାର ଅନୁଧ୍ୟାନ ଲାଗି ୫୦ ଅଫିସରଙ୍କୁ ମୁତୟନ କରାଯାଇଛି।</p><p>https://youtu.be/CU2YHDEGhBY</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।