ନୂଆଦିଳ୍ଲୀ: ଉମରକୋଟ ଗସ୍ତକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି କେନ୍ଦ୍ର ଗ୍ରାମ୍ୟ ଉନ୍ନୟନ ରାଷ୍ଟ୍ରମନ୍ତ୍ରୀ ରାମକ୍ରିପାଲ ଯାଦବ। ସେ କହିଛନ୍ତି,“ନବରଙ୍ଗପୁର ଜିଲ୍ଲାରେ ବିକାଶ କାର୍ଯ୍ୟ ଠିକ୍ ଭାବେ ହୋଇନି। ମନରେଗା ଓ ଇନ୍ଦିରାଆବାସ ଯୋଜନାକୁ ଠିକ୍ରେ କାର୍ଯ୍ୟକାରୀ କରାଯାଉନି। ମନରେଗାରେ କାମ ମିଳୁ ନ ଥିବାରୁ ଦାଦନ ଖଟିବାକୁ ଲୋକେ ଆନ୍ଧ୍ର ପଳାଇ ଯାଉଛନ୍ତି। ଏହି ସବୁ ଘୋଟାଲା ଧରାପଡ଼ିଯିବା ଭୟରେ ପ୍ରଶାସନ ମୋତେ ନବରଙ୍ଗପୁର ଆସିବାକୁ ବାରଣ କରିଥିଲା। ଏପରିକି ପ୍ରୋଟୋକଲ ଅନୁସାରେ ଜିଲ୍ଲାପାଳ ଓ ଏସ୍ପି ମୋତେ ରିସିଭ କରିନାହାନ୍ତି।”
କେନ୍ଦ୍ରମନ୍ତ୍ରୀଙ୍କ ଏପରି ଅଭିଯୋଗକୁ ଖଣ୍ଡନ କରିଛନ୍ତି ପରିବହନ ମନ୍ତ୍ରୀ ରମେଶ ମାଝି। ସେ କହିଛନ୍ତି,“ରାମକ୍ରିପାଲ ନବରଙ୍ଗପୁର କାହିଁକି ଯାଇଥିଲେ ତାହା ସମସ୍ତଙ୍କୁ ଜଣା। ସେ ଦଳୀୟ କାର୍ଯ୍ୟକ୍ରମରେ ଯାଇଥିଲେ ଏବଂ କର୍ମୀ ସମ୍ମିଳନୀ କରିଥିଲେ।”