ମତୁଆଲା କଲା କ୍ୟାଟ୍ ୱାକ୍‌: ଦେଖନ୍ତୁ ସମ୍ବଲପୁର ମହୋତ୍ସବରେ ରାମ୍ପ ଶୋ ଭିଡିଓ  

<p>ସମ୍ବଲପୁର: ସମ୍ବଲପୁରୀ ବସ୍ତ୍ରର ଚାହିଦା ଦେଶ ବିଦେଶରେ ରହିଛି । &nbsp;ତେବେ ସମ୍ବଲପୁରୀ ବସ୍ତ୍ରକୁ ଆଧୁନିକ ସମାଜରେ ଆହୁରି ଲୋକପ୍ରିୟ କରିବା ପାଇଁ ଆରମ୍ଭ ହୋଇଛି ନୂଆ ପ୍ରୟାସ । &nbsp;ସମ୍ବଲପୁର ମହୋତ୍ସବ ଅବସରରେ ରାମ୍ପ ଶୋରେ ଦେଖିବାକୁ ମିଳିଛି ନୂଆ ଡିଜାଇନର ବସ୍ତ୍ର । &nbsp;ସମ୍ବଲପୁରୀ ଡିଜାଇନର ଆଧୁନିକ ବସ୍ତ୍ର ପିନ୍ଧି କ୍ୟାଟ୍ ଓ୍ୱାକ୍ କରିଛନ୍ତି ଯୁବକ ଯୁବତୀ।</p> <p>ରଙ୍ଗିନ ଆଲୋକ ଓ ମ୍ୟୁଜିକର ତାଳେ ତାଳେ ଚାଲି ଥିଲା ରାମ୍ପ୍ ଶୋ। ସମ୍ବଲପୁରୀ କପଡାରେ ପ୍ରସ୍ତୁତ ଆଧୁନିକ ଡିଜାଇନର ପୋଷାକ&nbsp; ପିନ୍ଧି ଷ୍ଟେଜ୍ ଉପରେ କ୍ୟାଟ୍ ଓ୍ୱାକ୍ କରିଛନ୍ତି ଯୁବକ ଯୁବତୀ। ସମ୍ବଲପୁର ମହୋତ୍ସବ ଅବସରରେ ଅନୁଷ୍ଠିତ ରାମ୍ପ ଶୋ ଦର୍ଶକଙ୍କୁ ବେଶ ମତୁଆଲା କରିଛି ।</p> <p>ପାରମ୍ପରିକ ସମ୍ବଲପୁରୀ ବସ୍ତ୍ରକୁ ଆଧୁନିକ ଡିଜାଇନରେ ପ୍ରଦର୍ଶିତ କରାଯାଇଛି। ଏଭଳି ଆକର୍ଷଣୀୟ ପୋଷାକର ଡିଜାଇନ୍ କରିଛନ୍ତି ସମ୍ବଲପୁରର ଡିଜାଇନର ରିଙ୍କୁ କୁମାର ସାହୁ । ସମ୍ବଲପୁରୀ କପଡାରେ ୱେଷ୍ଟେର୍ଣ୍ଣ ଛାପ ଦେବା ପାଇଁ ସେ ପ୍ରଚେଷ୍ଟା କରିଥିବା କହିଛନ୍ତି।&nbsp; ଏହାଦ୍ୱାରା ସମ୍ବଲପୁରୀ କପଡାର ଚାହିଦା ଅଧିକ ବଢାଇବା ଲାଗି ସେ ଲକ୍ଷ ରଖିଛନ୍ତି॥ &nbsp;କେବଳ ପୋଷାକ ନୁହେଁ, ସମ୍ବଲପୁରୀ କପଡାରେ କ୍ୟାପ୍ ସହ ବିଭିନ୍ନ ଡିଜାଇନ ବ୍ୟାଗ୍ ବି ପ୍ରସ୍ତୁତ କରୁଛନ୍ତି ।</p>