ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କେନ୍ଦ୍ରାପଡ଼ା,(ଓଡ଼ିଶା ରିପୋର୍ଟର): କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ଆଜି କେନ୍ଦ୍ରାପଡ଼ା ଗସ୍ତରେ ଯାଇଥିଲେ। ଜିଲ୍ଲାର ପଟ୍ଟାମୁଣ୍ଡାଇ ଅଣ୍ଢରାରେ ଏକ ପାଣିଟାଙ୍କି ଲୋକାର୍ପଣ କାର୍ଯ୍ୟକ୍ରମରେ ଯୋଗ ଦେଇଥିଲେ ସେ । ଏହି ଅବସରରେ ସେ ଅଣ ଓଡ଼ଆ ଅଫିସର ରାଜୁତିକୁ ନେଇ ବର୍ଷିଥିଲେ। ସେପଟେ କେନ୍ଦ୍ରାପଡ଼ା ମାର୍ଶାଘାଇ ବ୍ଲକରେ ଆୟୋଜିତ ହେବାକୁ ଥିବା କଣ୍ଠେଶ୍ୱର ମହାଦେବଙ୍କ ତୃତୀୟ ବାର୍ଷିକ ସମ୍ମାନ ଟ୍ୟାଲେଣ୍ଟ ପାଇଁ ହୋଇଥିବା ପେଣ୍ଡାଲକୁ ଭାଙ୍ଗି ଦେଇଛନ୍ତି ଦୁର୍ବୃତ୍ତ। ଉତ୍ସବରେ କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ଅତିଥି ଭାବେ ଯୋଗ ଦେବାର ଥିଲା । କିନ୍ତୁ ବୈଜୟନ୍ତଙ୍କୁ ବିରୋଧ କରି ଗତକାଲି ବିଳମ୍ବିତ ରାତିରେ ପେଣ୍ଡାଲକୁ ଭାଙ୍ଗି ଦେଇଛନ୍ତି ଦୁର୍ବୃତ୍ତ। ସ୍ଥାନୀୟ ଗ୍ରାମବାସୀମାନେ ଏହାକୁ ତୀବ୍ର ନିନ୍ଦା କରିଛନ୍ତି ।</p> <p>ସେପଟେ ଅନିର୍ଦ୍ଦିଷ୍ଟ କାରଣ ପାଇଁ ପ୍ରତିଭା ସମ୍ମାନକୁ ବନ୍ଦ କରି ଦିଆଯାଇଥିବା ତାଳସଂଘ ସରପଞ୍ଚ ଲିଖିତ ଭାବେ ଗଣମାଧ୍ୟମ ପ୍ରତିନିଧିଙ୍କୁ ଜଣାଇଛନ୍ତି । ଘଟଣାସ୍ଥଳରେ ପାଟକୁରା ପୋଲିସ ମୁତୟନ ଅଛନ୍ତି। ସାଂସଦ ବୈଜୟନ୍ତ ପଣ୍ଡା ଘଟଣାକୁ ନିନ୍ଦା କରିବା ସହ କହିଛନ୍ତି ଗୁଣ୍ଡାଗିରି ବିରୋଧରେ ହିଁ ବିଜେଡି ତିଆରି ହୋଇଥିଲା। ଗତ ୩ରୁ ୪ ବର୍ଷ ହେଲା ସେ ସ୍ଥିତି ପୂରା ବଦଳି ଯାଇଛି। ମୁଁ ଭାବୁନି, ବିଜୁ ବାବୁ ଥିଲେ ଏ ଗୁଣ୍ଡାଗିରିକୁ ସହ୍ୟ କରିଥାନ୍ତେ। କେବଳ କେନ୍ଦ୍ରାପଡ଼ା ନୁହେଁ, ସାରା ରାଜ୍ୟରେ ଗୁଣ୍ଡାଗିରି ଚାଲିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
