ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଦେବଗଡ଼ (ସିଦ୍ଧାର୍ଥ ଗୁରୁ): ଗୁରୁ ନାଁରେ କଳଙ୍କ। ବିଭିନ୍ନ ସମୟରେ ୫ ଜଣ ଛାତ୍ରୀଙ୍କ ସହ ଯୌନ ସଂପର୍କ ରଖିବା ଅଭିଯୋଗରେ ଜଣେ ଟ୍ୟୁସନ ସାର୍‌ଙ୍କୁ ପୁଲିସ ଗିରଫ କରିଛି। ଘଟଣାଟି ଘଟିଛି ଦେବଗଡ଼ ଜିଲ୍ଲା କୁଣ୍ଡେଇଗୋଳା ଥାନା ଅଞ୍ଚଳରେ। ଅଭିଯୁକ୍ତ ଜଣଙ୍କ ହେଲେ ୪୪ ବର୍ଷୀୟ ରବୀନ୍ଦ୍ର ସାହୁ। ଅଭିଯୋଗ ଆଣିଥିବା ୫ ଜଣ ଯାକ ନାବାଳିକାଙ୍କୁ ଡାକ୍ତରୀମାଇନା ପାଇଁ ପଠାଇ ଦିଆଯାଇଛି। ଗିରଫ ହୋଇଥିବା ଟ୍ୟୁସନ ସାର୍ ରବୀନ୍ଦ୍ର ସାହୁ ଅବିବାହିତ ଥିବା ଜଣାପଡ଼ିଛି।</p> <p>ମିଳିଥିବା ସୂଚନା ଅନୁସାରେ, ନିଜ ଘରେ ଟ୍ୟୁସନ ପଢ଼ାଇବା ବେଳେ ରବୀନ୍ଦ୍ର ୩ ବର୍ଷ ହେଲା ୫ ଜଣ ଛାତ୍ରୀଙ୍କୁ ଦୁଷ୍କର୍ମ କରି ଆସୁଥିବା ଅଭିଯୋଗ ହୋଇଛି। ହେଲେ ଲୋକଲଜ୍ଜା ଭୟରେ ଝିଅମାନେ ଏ କଥା ବାହାରେ ପ୍ରକାଶ କରୁ ନଥିଲେ।</p> <p>ତେବେ ଏ ସଂପର୍କରେ ସଂପୃକ୍ତ ଦୁଇଜଣ ଛାତ୍ରୀଙ୍କଠାରୁ ଜାଣିବାକୁ ପାଇଥିଲେ ସେମାନଙ୍କ ଅଭିଭାବକ। ପରେ ସୋମବାର ଦିନ ଏହି କଥାକୁ ନେଇ ରବୀନ୍ଦ୍ରଙ୍କ ସହ ସେ ଦୁଇ ଅଭିଭାବକଙ୍କର ପାଟିତୁଣ୍ଡ ହୋଇଥିଲା। ସେମାନଙ୍କ ଭିତରୁ ଘଟଣା ସଂପର୍କରେ ଗତକାଲି ଜଣେ ମହିଳା କୁଣ୍ଡେଇଗୋଳା ଥାନାରେ ଲିଖିତ ଅଭିଯୋଗ କରିଥିଲେ। ଏହାପରେ ପୁଲିସ୍‌ ଏକ ଦୁଷ୍କର୍ମ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
