ଘରକୁ ଖାଇବାକୁ ଡାକି ବଳାତ୍କାର କଲା! ଭିଡ଼ିଓରେ ଦେଖନ୍ତୁ କେମିତି ମିଳିଲା ଦଣ୍ଡ

<p>ଝାରସୁଗୁଡ଼ା(ଓଡ଼ିଶା ରିପୋର୍ଟର): ନାବାଳିକାଙ୍କୁ ଖାଇବାକୁ ଡାକିଥିଲା। ବିଶ୍ୱାସ କରି ନାବାଳିକ ଜଣକ ଖାଇବାକୁ ଯାଇଥିଲେ। ମାତ୍ର ଜାଣିନଥିଲା ଯୌନ ରାକ୍ଷସର ମନ୍ଦ ଉଦ୍ଦେଶ୍ୟ। ଖାଇବାକୁ ଗଲା ବେଳେ ଏକୁଟିଆ ପାଇ ବଳାତ୍କାର କରିଥିଲା। ଗାଁ ଲୋକେ ଜାଣିପାରି ବଳାତ୍କାରୀକୁ କାବୁ କରି ମୁହଁରେ କଳା ବୋଲି ବେକରେ ଚପଲ ମାଳ ପକାଇ ଗାଁ ଦାଣ୍ଡରେ ବୁଲାଇଥିଲେ। ଏପରି ନିନ୍ଦନୀୟ ଘଟଣା ଝାରସୁଗୁଡ଼ା ସହରରେ ଘଟିଛି।</p> <p>ଆଜି ପ୍ରଦୀପ ବାଗ(୪୮) ନାମକ ଜଣେ ବ୍ୟକ୍ତି ଖାଇବା ପାଇଁ ତାଙ୍କ ପଡୋଶୀ ଘର ଜଣେ ୧୩ ବର୍ଷୀୟା ନାବାଳିକାକୁ ନିଜ ଘରକୁ ଡାକିଥିଲେ। ନାବାଳିକା ଜଣକ ପ୍ରଦୀପଙ୍କ କଥାରେ ବିଶ୍ୱାସ କରି ତାଙ୍କ ଘରକୁ ଯାଇଥିଲେ। ଏହାର ସୁଯୋଗ ନେଇ ପ୍ରଦୀପ ନାବାଳିକାକୁ ବଳାତ୍କାର କରିଥିବା ଅଭିଯୋଗ ହୋଇଛି। ନାବାଳିକା ଜଣକ ବିରୋଧ କରିବାରୁ ପ୍ରଦୀପ ତାକୁ ମାଡ଼ ମାରିଥିଲେ। ଫଳରେ ନାବାଳିକାଙ୍କ ମୁଣ୍ଡରେ ଗଭୀର କ୍ଷତ ସୃଷ୍ଟି ହୋଇଛି।</p> <p>ଘଟଣା ସମ୍ପର୍କରେ ଗାଁ ଲୋକେ ଜାଣିପାରି ନାବାଳିକାକୁ ଉଦ୍ଧାର କରିବା ସହିତ ଅଭିଯୁକ୍ତକୁ କାବୁ କରିଥିଲେ। ପରେ ତା&rsquo; ମୁହଁରେ କଳା ବୋଲି ବେକରେ ଚପଲ ମାଳ ପକାଇ ଗାଁ ଦାଣ୍ଡରେ ବୁଲାଇ ଥିଲେ। ତା&rsquo;ପରେ ଅଭିଯୁକ୍ତକୁ ବିଟିଏମ୍&zwnj; ଫ।ଣ୍ଡିର ଜମା ଦେଇଥିଲେ। ଏନେଇ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି। ଏପରିକି ପୋଲିସ ଅଭିଯୁକ୍ତ ଓ ନାବାଳିକାଙ୍କ ଡାକ୍ତର ପରୀକ୍ଷା କରିଛି।</p>