ମୃତ ଲୋକ ନାଁରେ ଚାଉଳ ଖାଉଛି ଭୂତ

<p>ବାରିପଦା (ମାଣିକ ଲାଲ୍&zwnj; ପାଣି): ରାସନ ବଣ୍ଟନ ବ୍ୟବସ୍ଥାରେ ସ୍ୱଚ୍ଛତା ଆଣାଯାଉଛି। ଏଥିପାଇଁ ଦେଶବ୍ୟାପୀ ଡିଜିଟାଇଜେସନ୍&zwnj; ପ୍ରୋଗ୍ରାମ କରାଯାଉଛି। ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲ୍ଲାରେ ମଧ୍ୟ ଡିଜିଟାଇଜେସନ୍&zwnj; ପ୍ରୋଗ୍ରାମ ଅନ୍ତର୍ଗତ ହିତାଧିକାରୀଙ୍କ ଆଧାର ଲିଙ୍କ୍ କରାଯାଇଛି। ଏହା ସତ୍ତ୍ୱେ ଗରିବ ଖଟିଖିଆଙ୍କ ସରଳତାର ସୁଯୋଗ ନେଇ ଲୁଟି ଚାଲିଛନ୍ତି ସରକାରୀ କର୍ମଚାରୀ ଓ ଏସ୍&zwnj;ଏଚ୍&zwnj;ଜି। କିଏ ମୃତ ବ୍ୟକ୍ତିଙ୍କ ନାଁରେ ତ ଆଉ କିଏ ଜଣେ ବ୍ୟକ୍ତିଙ୍କ ନାଁରେ ଦୁଇ ଦୁଇଟି ରାସନକାର୍ଡ଼ କରି ହରଣଚାଲ୍ କରୁଛନ୍ତି ଚାଉଳ। ସୂଚନା ଅଧିକାର ଆଇନ ବଳରେ ଏପରି ସତ୍ୟ ପଦାକୁ ଆସିଛି।</p><p>ଆସନ୍ତୁ ନଜର ପକାଇବା ପୂରା ଘଟଣା ଉପରେ। ରାସଗୋବିନ୍ଦପୁର ବ୍ଲକ ନାକିଚୁଆ ପଞ୍ଚାୟତ ଆମ୍ବଡିହିର ଶୁକ୍ରା ସିଂ। ୩ ବର୍ଷ ତଳେ ବାପାଙ୍କ ମୃତ୍ୟୁ ହୋଇଥିଲା। ଶୁକ୍ରା ଏବେ ଖଲିପତ୍ର କାରଖାନାରେ କାମ କରୁଛନ୍ତି। ସେଥିରୁ ଯାହା ଆୟ ହେଉଛି ସେଥିରେ ଚଳୁଛନ୍ତି ୩ ପ୍ରାଣୀ କୁଟୁମ୍ବ। କିନ୍ତୁ ଦୁଃଖର ବିଷୟ ଶୁକ୍ରାଙ୍କ ବାପାଙ୍କ ମୃତ୍ୟୁର ୩ ବର୍ଷ ପରେ ମଧ୍ୟ ତାଙ୍କ ରାସନ୍&zwnj;କାର୍ଡ଼ରୁ ଚାଉଳ ଉଠୁଛି।</p><p>ଏନେଇ ଶୁକ୍ରା କହିଛନ୍ତି-&ldquo;ବାପାଙ୍କ ମୃତ୍ୟୁକୁ ୩ ବର୍ଷ ବିତିଲାଣି। ମାତ୍ର ଏହା ଭିତରେ ମୁଁ ଚାଉଳ ଉଠାଇ ନାହିଁ। କିଏ ଚାଉଳ ଉଠାଉଛି ମୁଁ ବି ଜାଣିନି। ଘଟଣାର ତଦନ୍ତ ହେଲେ ସତ୍ୟାସତ୍ୟ ପଦାକୁ ଆସିବ।&rdquo;</p><p>ସେହିପରି ଆଉ ଜଣେ ହେଉଛନ୍ତି ସୁକୁମାର ମାର୍ଣ୍ଣି। ସେ ମୂଲ ମଜୁରି ଲାଗି ଘର ଚଳାନ୍ତି। ମାତ୍ର ସେ ଜାଣିନାହାନ୍ତି ତାଙ୍କର ଗୋଟିଏ ରାସନ କାର୍ଡ ଅଛି। ଆଉ ସେଥିରୁ ନିୟମିତ ଚାଉଳ ଉଠାଯାଉଥିଲା। ଏ ସମ୍ପର୍କରେ ଜାଣିଲା ବେଳକୁ ୩ ମାସରୁ ଅଧିକ ସମୟ ଧରି ଚାଉଳ ଉଠା ସରିଥିଲା। ପରେ ଏନେଇ ଅଭିଯୋଗ କରିବାରୁ ଏବେ ଚାଉଳ ମିଳୁଛି ବୋଲତ ସୁକୁମାର କହିଛନ୍ତି।</p><p>ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟ ଅନୁସାରେ- ରଇବାରୀ ସିଂ, ସ୍ୱାମୀ ଗୁରୁବା ସିଂ। ଯାହାଙ୍କ କ୍ରମିକ ସଂଖ୍ୟା- ୩୦୧ ଓ ୧୮୩୪। ସେହିପରି ସୁନିଂ ସିଂ, ସ୍ୱାମୀ ଗନ ସିଂଙ୍କ ନାଁରେ ମଧ୍ୟ ଦୁଇଟି କ୍ରମିକ ସଂଖ୍ୟା ୩୯୧ ଓ ୧୮୩୫ ରହିଛି। ଅର୍ଥାତ ଜଣଙ୍କ ନାଁରେ ଦୁଇ ଦୁଇଟି ରାସନ କାର୍ଡ ରହିଛି। ଏମିତି ଚଞ୍ଚକତା କରି ଏକାଧିକ ବ୍ୟକ୍ତିଙ୍କ ନାଁରେ ତିଆରି କରାଯାଇଛି ଡବଲ୍ ରାସନ କାର୍ଡ। ଗୋଟିଏ କାର୍ଡରେ ହିତାଧିକାରୀ ତ ଆଉ ଏକ କାର୍ଡରେ ବିଭାଗୀୟ କର୍ମଚାରୀ କିମ୍ବା ଚାଉଳ ବଣ୍ଟନ ଦାୟିତ୍ୱରେ ଥିବା ଏସ୍&zwnj;ଏମ୍&zwnj;ସି କର୍ମଚାରୀ ଚାଉଳ ଉଠାଉଥିବା ଅଭିଯୋଗ ହୋଇଛି। ଏଭଳି କାରସାଦି ସମ୍ପର୍କରେ ଜିଲ୍ଲା ପ୍ରଶାସନ ମଧ୍ୟ ଅବଗତ ଅଛନ୍ତି। ବିଡ଼ିଓ କହିଛନ୍ତି କାର୍ଯ୍ୟାନୁଷ୍ଠାନ ପାଇଁ ଯୋଗାଣ ବିଭାଗକୁ କୁହାଯାଇଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।