ଆମେ ହାତ ଟେକି ଦେଇଥିଲୁ, ସେ ସତରେ ଚମତ୍କାର କରିଦେଲେ

<p>ପୁରୀ(ଓଡ଼ିଶା ରିପୋର୍ଟର): ଆମେ ମହାପ୍ରଭୁଙ୍କ ପାଖରେ ହାଟ ଟେକି ଦେଇଥିଲୁ। ସେ ଚାହିଁଲେ ଆମକୁ ଚାବି ବିବାଦରୁ ବଞ୍ଚାଇ ପାରିବେ ବୋଲି ଗୁହାରୀ କଲୁ। ତାହା ହିଁ ହେଲା। ମହାପ୍ରଭୁ ଚମତ୍କାର କରିଦେଲେ। ଚାବି ମିଳିଗଲା। ଗତକାଲି ଜଉମୁଦ ଦିଆ ଲଫାପାରୁ ଭିତର ରତ୍ନଭଣ୍ଡାରର ହଜିଲା ଚାବିର ଡୁପ୍ଲିକେଟ୍&zwnj; ମିଳିବା ପରେ ଆଜି ଏମିତି ଢ଼ଙ୍ଗରେ ପ୍ରତିକ୍ରିୟା ଦେଇଛନ୍ତି ପୁରୀ ଜିଲ୍ଲାପାଳ ଅରବିନ୍ଦ ଅଗ୍ରୱାଲ।</p><p>ସେ କହିଛନ୍ତି-&ldquo;ଜିଲ୍ଲା ଟ୍ରେଜେରୀରୁ ରତ୍ନଭଣ୍ଡାର ଚାବି ଆଣିଦେବା ପାଇଁ ଏପ୍ରିଲ ଦୁଇ ତାରିଖରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଚିଠି କରାଯାଇଥିଲା। ତା&rsquo;ପରଦିନ ଅର୍ଥାତ ୩ ତାରିଖରେ ଏ ସମ୍ପର୍କରେ ଜିଲ୍ଲା ଟ୍ରଜେରୀକୁ ଅବଗତ କରାଯାଇଥିଲା। ଚାବି ଦେବାକୁ ନିର୍ଦ୍ଦେଶ ମଧ୍ୟ ଦିଆଯାଇଥିଲା। ଜିଲ୍ଲା ଟ୍ରେଜେରୀରେ ନଥି ଯାଞ୍ଚ ପରେ ଚାବି ଜମା ହୋଇ ନଥିବା କୁହାଯାଇଥିଲା। ତେଣୁ ଏପ୍ରିଲ ୪ ତାରିଖରେ ଏ ସମ୍ପର୍କରେ ଜିଲ୍ଲା ପ୍ରଶାସନ ପକ୍ଷରୁ ଶ୍ରୀମନ୍ଦିର ପ୍ରଶାସନକୁ ଜଣାଇ ଦିଆଯାଇଥିଲା। ପରେ ଆଉ ଥରେ ଚାବି ଖୋଜିବା ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଇଥିଲା। ଏପରିକି ଖୋଦ ଶ୍ରୀମନ୍ଦିର ପ୍ରଶାସନ ମଧ୍ୟ ଚାବି ଖୋଜିବାରେ ଲାଗିଥିଲେ।&rdquo;</p><p>ସେ ଆହୁରି କହିଛନ୍ତି,&ldquo;୧୯୮୫ ମସିହାରେ ରତ୍ନଭଣ୍ଡାର ଖୋଲା ଯାଇଥିବା ସମୟରେ ସଦସ୍ୟ ଥିବା ରବିନାରାୟଣ ମିଶ୍ରଙ୍କ କହିବା ଅନୁସାରେ ପୂର୍ବରୁ ଚାବି ଜିଲ୍ଲାପାଳଙ୍କ କାର୍ଯ୍ୟାଳୟରୁ ଆସିଥିଲା। ଏହି ତଥ୍ୟକୁ ଆଧାର କରି ଶ୍ରୀମନ୍ଦିର ପ୍ରଶାସନ, ଜିଲ୍ଲାପାଳଙ୍କ କାର୍ଯ୍ୟାଳୟର ବିଭିନ୍ନ ବିଭାଗରେ ଚାବି ଖୋଜିବାକୁ ପରାମର୍ଶ ଦେଇଥିଲା। ଏଥିପାଇଁ ଦୁଇଟି ଟିମ୍&zwnj; ଗଠନ କରାଯାଇଥିଲା। ଗତକାଲି ଖୋଜିବା ବେଳେ ଗୋଟିଏ ସିଲ୍&zwnj; ଏନ୍&zwnj;ଭରଲପ୍&zwnj; ମିଳିଛି। ସେଥିରେ କିଛି ଚାବି ରହିଛି। ତେଣୁ ଏହାକୁ ନେଇ କୌଣସି ବିବାଦ ଦେଖା ଦେବା ଉଚିତ ନୁହେଁ। ତଦନ୍ତ କମିଶନଙ୍କ ପାଖରେ ସମସ୍ତ ତଥ୍ୟ ଉପସ୍ଥାପନ କରାଯିବ। କମିଶନ ଯାହା ତଥ୍ୟ ମାଗିବେ, ତାହାର ଉତ୍ତର ଦେବା ପାଇଁ ଆମେ ପ୍ରସ୍ତୁତ ଅଛୁ। ବର୍ତ୍ତମାନ ପର୍ଯ୍ୟନ୍ତ ଯାହା କିଛି ଘଟଛି, ସେ ସମ୍ପର୍କରେ ଲିଖିତ ଭାବେ ରହିଛି। ପ୍ରତ୍ୟେକ ତଦନ୍ତ ସମ୍ମୁଖୀନ ହେବା ପାଇଁ ମୁଁ ପ୍ରସ୍ତୁତ ରହିଛି।&rdquo;</p><p>ସେ ଆହୁରି କରିଛନ୍ତି,&ldquo;ମିଳିଥିବା ସିଲ୍&zwnj; ହୋଇଥିବା ଏନ୍&zwnj;ଭଲପକୁ ବର୍ତ୍ତମାନ ସୁଦ୍ଧା ଖୋଲା ଯାଇନି। ଯେମିତି ମିଳିଥିଲା, ତାକୁ ସେମିତି ରଖାଯାଇଛି। ଯାହାର ସନ୍ଦେହ ହେବ, ସେ ଦେଖିପାରିବ। ଏନେଇ ତଦନ୍ତ କମିଶନଙ୍କୁ ମଧ୍ୟ ଜଣାଇବୁ। ଏହାଛଡ଼ା ୧୯୭୮ ମସିହାର ଦୁଇଟି ଲିସ୍&zwnj; ଡକ୍ୟୁମେଣ୍ଟ ପାଇଛୁ। ସେଥିରେ ମଧ୍ୟ କିଛି ଗୁରୁତ୍ୱପୂର୍ଣ୍ଣ ତଥ୍ୟ ରହିଥାଇପାରେ। ସେ ଗୁଡ଼ିକ ମଧ୍ୟ ସେମିତି ରଖାଯାଇଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।