ରାଉରକେଲା(ସତ୍ୟାନନ୍ଦ ମହାନ୍ତି): ବିଶ୍ୱକପ୍ କ୍ରିକେଟ୍ ବେଟିଂ ଘଟଣାରେ ରାଉରକେଲା ପ୍ଲାଣ୍ଟ ସାଇଟ୍ ପୁଲିସ୍ ଆଉ ଜଣଙ୍କୁ ଗିରଫ କରିଛି। ଏହା ସହିତ ଗିରଫଙ୍କ ସଂଖ୍ୟା ୩କୁ ବୃଦ୍ଧି ପାଇଛି।
ଗ୍ୟାଙ୍ଗର ଏହି ତୃତୀୟ ସଦସ୍ୟଙ୍କୁ ଦରଘାଇ ମୋହଲାରୁ ପୁଲିସ୍ ଗିରଫ କରିଛି। ଗତକାଲି ଏହି ଘଟଣାରେ ପୁଲିସ୍ ଦୁଇ ଜଣଙ୍କୁ ଗିରଫ କରିଥିଲା।
ଏହାସହ ମାମଲାରେ ସଂପୃକ୍ତ ଥିବା ବ୍ୟବସାୟୀ ନାଗରମଲ ଅଗ୍ରୱାଲଙ୍କ ଘରେ ପୁଲିସ୍ ଚଢ଼ଉ କରିଛି। ତାଙ୍କ ପାସପୋର୍ଟ ସହ ତିନି ହଜାର ଡଲାର ଜବତ କରାଯାଇଛି। ତେବେ ନାଗରମଲ ଫେରାର ହୋଇଯାଇଥିବା ଜଣାପଡ଼ିଛି।
ସୂଚନାଯୋଗ୍ୟ, ଗତକାଲି ରାଉରକେଲା ଡେଲିମାର୍କେଟ ସ୍ଥିତ ଜନତା ନିବାସ ଲେନ୍ରେ ପୁଲିସ୍ ଚଢ଼ଉ କରି ଦୁଇ ଜଣକୁ ଗିରଫ କରିଥିଲା। ସେମାନଙ୍କଠାରୁ ପୁଲିସ୍ ୩୧ ଲକ୍ଷ ଟଙ୍କା ଓ ୫ଟି ମୋବାଇଲ୍ ଫୋନ୍ ଜବତ କରିଥିଲା। ଏହି ଗ୍ୟାଙ୍ଗର ଚେର ଛତିଶଗଡ଼କୁ ଲମ୍ବିଛି ବୋଲି ସୂଚନା ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
