କେମିତି ଘଟିଥିଲା ପାର୍ସଲ ବୋମା ବିସ୍ଫୋରଣ, ଶୁଣନ୍ତୁ ରୀମାଙ୍କ ମୁହଁରୁ

<p>ବଲାଙ୍ଗିର(ଓଡ଼ିଶା ରିପୋର୍ଟର): ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାକୁ ଆଜି ୨ ମାସ ପୂରିଛି। ଅର୍ଥାତ ଫେବ୍ରୁଆରୀ ୨୩ ତାରିଖରେ ବିବାହ ଗିଫ୍ଟ ଭାବେ ଆସିଥିବା ଏହି ପାର୍ସଲ ବୋମା ନବ ବିବାହିତ ସୌମ୍ୟଶେଖର ଏବଂ ତାଙ୍କ ଜେଜେମାଆଙ୍କ ଜୀବନ ନେଇ ଯାଇଥିଲା। ଗୁରୁତର ନବବଧୂ ରୀମାରାଣୀ ପ୍ରାୟ ଏକମାସ ମେଡିକାଲରେ ରହି ଚିକିତ୍ସିତ ହୋଇ ଏବେ ଘରକୁ ଫେରିଛନ୍ତି।</p> <p>ଏହା ମଧ୍ୟରେ ବିତି ଯାଇଛି ୨ ମାସ। ପୋଲିସ୍&zwnj; ହାତରୁ ଘଟଣାର ତଦନ୍ତ ଦାୟିତ୍ୱ କ୍ରାଇମବ୍ରାଞ୍ଚ ନେଇଛି। ହେଲେ ଆଜି ପର୍ଯ୍ୟନ୍ତ ଅଭିଯୁକ୍ତଙ୍କ ପାଖରେ ପହଞ୍ଚି ପାରିନାହିଁ କ୍ରାଇମବ୍ରାଞ୍ଚ। ଏବେ ବି ଏହି ଘଟଣାର ମାଷ୍ଟର ମାଇଣ୍ଡ ଓ ଏଥିରେ ସମ୍ପୃକ୍ତ ବ୍ୟକ୍ତିଙ୍କ ସମ୍ପର୍କରେ କିଛି ଜଣାପଡ଼ିନି। ଏହା ମଧ୍ୟରେ କ୍ରାଇମବ୍ରାଞ୍ଚ ତା&rsquo;ର ତଦନ୍ତ ପରିସରକୁ ବଢ଼ାଇଛି। ଜଣେ ଅଧ୍ୟାପକଙ୍କ ସମେତ ୭ ଜଣଙ୍କୁ ଉଠାଇ ନେଇ ପଚରାଉଚରା କରୁଛି। ଏମାନଙ୍କ ମଧ୍ୟରେ ଅଛନ୍ତି ଭଇଁସା କଲେଜର ପୂର୍ବତନ ଅଧ୍ୟକ୍ଷ ତଥା ବର୍ତ୍ତମାନର ଇଂରାଜୀ ଅଧ୍ୟାପକ ପୁଞ୍ଜିଲାଲ୍ ମେହେର। ଏବେ ମୃତ ସୌମ୍ୟଶେଖରଙ୍କ ମାଆ ଏହି କଲେଜର ଅଧ୍ୟକ୍ଷ ଅଛନ୍ତି। ତେବେ ସୌମ୍ୟଶେଖରଙ୍କ ମାଆ ଅଧ୍ୟକ୍ଷ ହେବାକୁ ପୁଞ୍ଜିଲାଲ ଗ୍ରହଣ କରିପାରୁ ନଥିଲେ ଓ ତାଙ୍କୁ ହଇରାଣ କରୁଥିଲେ ବୋଲି ସେ କହିଛନ୍ତି।</p> <p>ତଦନ୍ତ ତା&rsquo; ବାଟରେ ଚାଲିଛି। ହେଲେ ଏକ ଗିଫ୍ଟ ରୀମାରାଣୀଙ୍କ ବୈବାହିକ ଜୀବନକୁ ଛାରଖାର କରି ଦେଇଛି। ହାତରୁ ମେହେନ୍ଦି ଛାଡି ନଥିବା ବେଳେ ସାରା ଜୀବନ ପାଇଁ ହାତ ଧରିଥିବା ଜୀବନସାଥୀ ତାଙ୍କ ହାତ ଛାଡି ଚାଲି ଯାଇଛନ୍ତି। ଉଜୁଡି ଯାଇଛି ସେ ଦେଖିଥିବା ସୁନାର ସଂସାର ସ୍ୱପ୍ନ। ମଥାରୁ ଲିଭି ଯାଇଛି ସିନ୍ଦୂର। ସ୍ୱାମୀ ଓ ତାଙ୍କ ଜେଜେମାଆଙ୍କୁ ହରାଇଥିବା ରୀମାରାଣୀ ଏହି ଦୁଇମାସ କଟିଛି ୨ଟି ଯୁଗ ପରି।</p> <p>ସେଦିନ ପାର୍ସଲ ଆସିବା ଓ ଏହାକୁ ଗ୍ରହଣ କରିବା ପରେ ସେମାନେ ଖୋଲିବା ପର୍ଯ୍ୟନ୍ତ କ&rsquo;ଣ ସବୁ ଘଟିଥିଲା, ସେନେଇ ରୀମାରାଣୀ କ&rsquo;ଣ କହୁଛନ୍ତି ଶୁଣନ୍ତୁ ତାଙ୍କ ମୁହଁରୁ।</p>