ଭୁଶୁଡ଼ିଲା ଆପ୍ରୋଚ ରୋଡ୍‌:୨ ବାଇକ୍ ଆରୋହୀ ଆହତ

ପାରାଳାଖେମୁଣ୍ଡି: (ଆଦର୍ଶ ଦାସ): ପ୍ରବଳ ବର୍ଷାରେ ଭୁଶୁଡିଲା ଆପ୍ରୋଚ ରୋଡ। ଗଜପତି ଜିଲ୍ଲା ଗୁମ୍ମା ବ୍ଲକ କୁଜାସିଂ ଜଗନ୍ନାଥପୁର ଗାଁରେ ଆପ୍ରୋଚ ରୋଡ  ଭୁଶୁଡ଼ି ୨ ଜଣ ବାଇକ୍ ଆରୋହୀ ଆହତ ହୋଇଛନ୍ତି।

ରୋଡ ଭୁଶୁଡ଼ି ପଡ଼ିବାରୁ ଜଗନ୍ନାଥପୁର-ପାରଳାଖେମୁଣ୍ଡି ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି। ଫଳରେ ଗମନାଗମନ ବାଧାପ୍ରାପ୍ତ ହୋଇଛି। ଗତ ରାତିରେ ହୋଇଥିବା ମୂଷଳ ଧାରା ବର୍ଷାରେ ରୋଡ୍‌ଟି ଧସିଯାଇଥିଲା।

ସୂଚନାଯୋଗ୍ୟ, ଗତ ଜୁନ୍ ୨୪ ତାରିଖରେ ଝାରସୁଗୁଡ଼ା ଜିଲ୍ଲାର ବଞ୍ଜରୀ ପଞ୍ଚାୟତ ଅନ୍ତର୍ଗତ ଝାରସୁଗୁଡ଼ା ସୁନ୍ଦରଗଡ଼ ଜିଲ୍ଲାକୁ ସଂଯୋଗ କରୁଥିବା ଲୋଟସ୍‌ ପୋଲ ଭୁଶୁଡ଼ି ପଡ଼ିଥିଲା। ରାତିରେ ଏକ ଚିପ୍ସ ବୋଝେଇ ହାଇୱା ଯାଉଥିବା ବେଳେ ପୋଲଟି ଭୁଶୁଡ଼ି ପଡ଼ିଥିଲା। ତେବେ ଅଳ୍ପକେ ବର୍ତ୍ତିଯାଇଥିଲେ ଡ୍ରାଇଭର।

ଅଧିକ ପଢ଼ନ୍ତୁ-ଚିପ୍ସ ବୋଝେଇ ଟ୍ରକ୍‌କୁ ସମ୍ଭାଳି ପାରିଲାନି ପୋଲ, ପଢ଼ନ୍ତୁ ଅବସ୍ଥା କ’ଣ ହେଲା