ବ୍ୟାଣ୍ଡପାର୍ଟି ଗାଡ଼ିକୁ ପିଟିଲା ଟ୍ରକ, ୨ ମୃତ, ୨୪ ଆହତ

ଧର୍ମଗଡ଼(ଓଡ଼ିଶା ରିପୋର୍ଟର): କଳାହାଣ୍ଡି ଜିଲ୍ଲା ଧର୍ମଗଡ଼ ଜାତୀୟ ରାଜପଥ ୨୬ର କାଲୋପଲା ନିକଟରେ ଏକ ଟ୍ରକ୍  ଭାରସାମ୍ୟ ହରାଇ ଏକ ବ୍ୟାଣ୍ଡପାର୍ଟି ଗାଡ଼ିକୁ ଧକ୍କା  ଦେବାରୁ ୨ଜଣଙ୍କର ମୃତ୍ୟୁ ଘଟିଥିବା ବେଳେ ୨୪ଜଣ ଆହତ ହୋଇଛନ୍ତି। ସେମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ ୪ଜଣଙ୍କ ଅବସ୍ଥା ଗୁରୁତର ଥିବାରୁ  ଭବାନୀପାଟଣା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ମୃତକମାନେ ବ୍ୟାଣ୍ଡପାର୍ଟି ଦଳର ବୋଲି ଜଣାପଡ଼ିଛି।

ବ୍ୟାଣ୍ଡପାଟି ଦଳ ଜୁନାଗଡ଼ର ଏକ ବାହାଘର ରୋଷଣି ସାରି ପିକ୍‌ଅପ୍‌ ଭ୍ୟାନ୍‌ରେ ଜୟପାଟଣା ଫେରୁଥିଲେ ବେଳେ ଦୁର୍ଘଟଣା ହୋଇଥିଲା।