ପଶ୍ଚିମ ଓଡ଼ିଶାର ୧୬ ଲକ୍ଷ ପରିବାରକୁ ଭେଟିବ ଆର୍‌ଏସ୍‌ଏସ୍‌

ସମ୍ୱଲପୁର(ଓଡ଼ିଶା ରିପୋର୍ଟର): ଅଯୋଧ୍ୟାରେ ଭବ୍ୟ ରାମ ମନ୍ଦିର ନିର୍ମାଣ ହେଉଛି। ଏଥିପାଇଁ ସମଗ୍ର ଦେଶରେ ୪ ଲକ୍ଷ ଗାଁର ୧୧ କୋଟି ପରିବାର ଲୋକଙ୍କ ସହିତ ସମ୍ପର୍କ ସ୍ଥାପନ କରାଯିବ। ସେଥିରୁ ପଶ୍ଚିମ ଓଡ଼ିଶାର ୧୪ ହଜାର ଗାଁର ୧୬ ଲକ୍ଷ ପରିବାର ଲୋକଙ୍କୁ ଭେଟିବ ଶ୍ରୀରାମ ମନ୍ଦିର ନିଧି ସମର୍ପଣ ସମିତି। ଏପରିକି ରାମ ମନ୍ଦିର ନିର୍ମାଣ ସମ୍ପର୍କରେ ସେମାନଙ୍କୁ ଅବଗତ କରାଯିବ। ରାମ ମନ୍ଦିର ନିର୍ମାଣ ପାଇଁ ନିଜ ସାମର୍ଥ ଅନୁସାରେ ସେମାନେ ଯାହା ଅନୁଦାନ ଦେବେ, ତାକୁ ସଂଗ୍ରହ କରାଯାଇ ଅଯୋଧ୍ୟା ପଠାଯିବ। ଏ ନେଇ ସୂଚନା ଦେଇଛନ୍ତି ଆର୍‌ଏସ୍‌ଏସ୍‌ ପ୍ରଚାରକ ସପନ ମୁଖାର୍ଜୀ।

ସେ କହିଛନ୍ତି-“ସମଗ୍ର ଦେଶରେ ଏହି ଅଭିଯାନ‌ ଜାନୁଆରୀ ୧୫ ତାରିଖ ମକର ସଂକ୍ରାନ୍ତିରୁ ଫେବୃଆରୀ ୨୭ ମାଘ ପୂର୍ଣ୍ଣିମା ଯାଏ ଚାଲିବ। ତେବେ ପଶ୍ଚିମ ଓଡ଼ିଶାରେ ଏହି ଅଭିଯାନ ଜାନୁଆରୀ ୨୫ରୁ ଫେବୃଆରୀ ୧୦ ଯାଏ ଚାଲିବ।”

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।