ରାଜଧାନୀରେ କରୋନା ଅଣାୟତ୍ତ; ବନ୍ଦ ହେଲା RTO-1 କାର୍ଯ୍ୟାଳୟ

ଭୁବନେଶ୍ୱର(ଓଡ଼ିଶା ରିପୋର୍ଟର): କରୋନା ସଂକ୍ରମଣ ରୋକିବାକୁ ଭୁବନେଶ୍ୱର ମହାନଗର ନିଗମ କଡ଼ା ପଦକ୍ଷେପ ଗ୍ରହଣ କରିଛି । ୪ ପଜିଟିଭ ଚିହ୍ନଟ ହେବା ପରେ ଭୁବନେଶ୍ୱର ଆଚାର୍ଯ୍ୟ ବିହାରସ୍ଥିତ RTO-1 କାର୍ଯ୍ୟାଳୟକୁ ବନ୍ଦ କରି ଦେଇଛି ବିଏମ୍‌ସି ।  ଏଥିସହ ସଂକ୍ରମିତଙ୍କ ସଂସ୍ପର୍ଶରେ ଆସିଥିବା  RTO-1ର ସମସ୍ତ କର୍ମଚାରୀଙ୍କୁ ବାଧ୍ୟତାମୂଳକ କ୍ୱାରେଣ୍ଟାଇନ୍‌ରେ ରହିବାକୁ ନିର୍ଦ୍ଦେଶ ଦିଆଯାଇଛି ।

ଏହାବ୍ୟତୀତ ୧୫ କରୋନା ଆକ୍ରାନ୍ତ ଚିହ୍ନଟ ପରେ ICICI ବ୍ୟାଙ୍କର ଦୁଇଟି ଶାଖାକୁ ମଧ୍ୟ ବନ୍ଦ କରିଛି ବିଏମ୍‌ସି। କଟକ ରୋଡ୍ ବ୍ରାଞ୍ଚ ଓ ଶ୍ରୀୟା ଟକିଜ୍ ନିକଟସ୍ଥ ମେନ୍ ବ୍ରାଞ୍ଚର ସେଲ୍ସ ସେକ୍ସନକୁ ବନ୍ଦ କରାଯାଇଛି । ନଖରାସ୍ଥିତ ଗତି ଗୋଦାମକୁ ମଧ୍ୟ ବନ୍ଦ କରିଛି ବିଏମ୍‌ସି । ସେଠାରୁ ୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏଥିସହ ସଂକ୍ରମିତମାନଙ୍କ ସଂସ୍ପର୍ଶରେ ଆସିଥିବା ଗୋଡାଉନର ସମସ୍ତ କର୍ମଚାରୀଙ୍କୁ ବାଧ୍ୟତାମୂଳକ କ୍ୱାରେଣ୍ଟାଇନ୍‌ରେ ରହିବାକୁ ନିର୍ଦ୍ଦେଶ ଦିଆଯାଇଛି ।