ଭୁବନେଶ୍ୱର(ଓଡ଼ିଶା ରିପୋର୍ଟର): ମହାମାରୀ କରୋନା ନେଲା ଆଉ ଜଣେ ଯୁବ ସାମ୍ୱାଦିକଙ୍କ ଜୀବନ। ତାଙ୍କ ନାଁ ହେଉଛି ସବନମ ଶିରିନ। ସେ ଭଏସ୍ ଅଫ୍ SOA କମ୍ୟୁନିଟିରେ କାର୍ଯ୍ୟରତ ଥିଲେ। କରୋନାରେ ଆକ୍ରାନ୍ତ ହୋଇ ସବନମ ଶିରିନ ଭୁବନେଶ୍ୱର ଏମ୍ସରେ ପ୍ରାଣ ହରାଇଛନ୍ତି। ତାଙ୍କ ବିୟୋଗରେ ଗଣମାଧ୍ୟମ ଜଗତରେ ଶୋକର ଛାୟା ଖେଳି ଯାଇଛି।
ସବନମ ଶିରିନଙ୍କ ସ୍ୱାମୀ କରୋନା ଆକ୍ରାନ୍ତ ହୋଇଥିଲେ। ସେଥିପାଇଁ ସେ ସଙ୍ଗରୋଧରେ ଥିଲେ। ମଙ୍ଗଳବାର ହଠାତ୍ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡ଼ି ଯାଇଥିଲା। ତାଙ୍କୁ ସଙ୍ଗେ ସଙ୍ଗେ ଏମ୍ସ କୋଭିଡ୍ ହସ୍ପିଟାଲ୍କୁ ନିଆଯାଇଥିଲା। ମାତ୍ର ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା।
ସବନମ ଶିରିନ ଓଡ଼ିଆର ଦୈନିକ ଓ ବୈଦ୍ୟୁତିକ ଗଣମାଧ୍ୟମରେ କାର୍ଯ୍ୟ କରିଥିଲେ। DD ଓଡ଼ିଆରେ ସେ ଉପସ୍ଥାପିକା ଭାବେ କାମ କରିଥିଲେ।
ଗତ କିଛିଦିନ ତଳେ କରୋନା ଗଞ୍ଜାମ ଜିଲ୍ଲାରୁ ୫ ଗଣମାଧ୍ୟମ ପ୍ରତିନିଧିଙ୍କ ଜୀବନ ନେଇଥିଲା। ସେମାନେ ହେଲେ- ମନୋଜ କୁମାର ସାହୁ, ଗୋବିନ୍ଦ ବେହେରା, କରୁଣାକର ସାହୁ, ନରେଶ ବେହେରା ଓ ପ୍ରଦୀପ କିଶୋର ସାହୁ। ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
