ଭୁବନେଶ୍ୱର: ସାହିତ୍ୟିକ ସାରଦା ପ୍ରସାଦ ମିଶ୍ରଙ୍କର ଆଜି ୫୩ ବର୍ଷ ବୟସରେ ପରଲୋକ ହୋଇଛି। ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଆଜି ଭୁବନେଶ୍ୱରର ଏକ ଘରୋଇ ହସପିଟାଲରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଥିଲା। ସେ ଦୀର୍ଘ ଦିନ ହେବ କର୍କଟ ରୋଗରେ ଆକ୍ରାନ୍ତ ଥିଲେ।
ଦୀର୍ଘ ୧୫ ବର୍ଷ ଧରି ରାଜ୍ୟପାଳଙ୍କ ଲୋକ ସଂପର୍କ ଅଧିକାରୀ ରୂପେ କାମ କରୁଥିଲେ। ସେ ଓଡ଼ିଶାରେ ଚାରି ଜଣ ରାଜ୍ୟପାଳଙ୍କ ପାଖରେ ଲୋକସମ୍ପର୍କ ଅଧିକାରୀ ଭାବେ କାମ କରିଥିଲେ। ସ୍ୱର୍ଗତ ସାରଦା ମିଶ୍ର ଜଣେ ଉଚ୍ଚକୋଟୀର ସାହିତ୍ୟିକ ଥିଲେ। ସାହିତ୍ୟ ସାଧନା ପାଇଁ ତାଙ୍କୁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ମଧ୍ୟ ମିଳିଥିଲା। ସାରଦାଙ୍କ ପରଲୋକରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି।