ଠାକୁରାଣୀ ମନ୍ଦିରରୁ ଚୋରି

ପିପିଲି(ଦ୍ୱିତୀକୃଷ୍ଣ ପଟ୍ଟନାୟକ): ପୁରୀ ଜିଲ୍ଲା ସତ୍ୟବାଦୀ ବ୍ଲକ୍‌ ଆଦର୍ଶ ଗ୍ରାମ ନୂଆଗାଁ ଜୟଦୁର୍ଗା ଠାକୁରାଣୀ ମନ୍ଦିରରୁ  ଗତକାଲି ରାତିରେ ଚୋରି ହୋଇଛି। ମନ୍ଦିରରେ ଥିବା ଅଷ୍ଟଧାତୁରେ ନିର୍ମିତ ମୂର୍ତ୍ତି ଓ  ଜୟଦୁର୍ଗାଙ୍କ ସୁନା ମୁକୁଟ ଚୋରି ହୋଇଛି। ଏଥିସହ ଜୟଦୁର୍ଗା, ନୀଳକଣ୍ଠ, ଗୋପୀନାଥ, ସୋମନାଥ ଓ ରାଧାକୃଷ୍ଣ ମୂର୍ତ୍ତି ସହିତ ୫ ଜଣ ପାର୍ଶ୍ୱ ଦେବତାଙ୍କ ମୂର୍ତ୍ତି ମଧ୍ୟ  ଦୁର୍ବୃତ୍ତମାନେ ଚୋରି କରିଛନ୍ତି।

ଘଟଣାସ୍ଥଳରେ ସତ୍ୟବାଦୀ ପୋଲିସ ପହଞ୍ଚି ତଦନ୍ତ ଜାରି ରହିଛି। ପ୍ରାୟ ୫ ଲକ୍ଷ ଟଙ୍କାରୁ ଅଧିକ ମୂଲ୍ୟର ଜିନିଷ ଏହି ମନ୍ଦିରରୁ ଚୋରି ହୋଇଥିବା ଅନୁମାନ କରାଯାଉଛି।