ସାଲେପୁରରେ ସରବତ ପିଇ ଅସୁସ୍ଥଙ୍କ ସ୍ୱାସ୍ଥ୍ୟରେ ଉନ୍ନତି ଘଟୁଛି, ମେଡିକାଲରୁ ଘରକୁ ଫେରିଲେ ୧୨୭

ସାଲେପୁର (ଓଡ଼ିଶା ରିପୋର୍ଟର): କଟକ ଜିଲ୍ଲା ସାଲେପୁରରେ ସରବତ ପିଇ ଅସୁସ୍ଥ ଶତାଧିକ ଲୋକଙ୍କ ମଧ୍ୟରୁ ୧୨୭ ଜଣ ମେଡିକାଲରୁ ଡିସଚାର୍ଜ ହୋଇଛନ୍ତି। ଏବେ ବି ବିଭିନ୍ନ ମେଡିକାଲରେ ୫୫ ଜଣରୁ ଅଧିକ ଚିକିତ୍ସିତ ହେଉଛନ୍ତି।

ଗତକାଲି ସ୍ଥାନୀୟ ସ୍ୱପ୍ନେଶ୍ୱର ମନ୍ଦିରରେ ଜାଗର ଯାତ୍ରା ଅବସରରେ ରାଇସୁଙ୍ଗୁଡା ଗାଁର କିଛି ଲୋକ ସରବତ ପିଇବା ପରେ ହଠାତ ଅସୁସ୍ଥ ହୋଇ ପଡିଥିଲେ। ରାତିରେ ଝାଡାବାନ୍ତି ହେବାରୁ ସେମାନଙ୍କୁ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ସାଲେପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ଏବେ ବି ଅନେକ ଆକ୍ରାନ୍ତ ଥିବାରୁ ରୋଗୀ ସଂଖ୍ୟା ଆହୁରି ବଢିବା ନେଇ ଆଶଙ୍କା ରହିଛି।

ସେପଟେ ସାଲେପୁରରେ ସରବତ ବିକୁଥିବା ଦୋକାନୀ ପ୍ରଭାକର ରାଉତଙ୍କୁ ପୋଲିସ୍‌ ଗିରଫ କରିଛି। ଢେଙ୍କାନାଳ ରେଳ ଷ୍ଟେସନ୍‌ରୁ ତାଙ୍କୁ ସାଲେପୁର ପୋଲିସ୍ ଗିରଫ କରିଥିବା ସୂଚନା ମିଳିଛି।