ରବିବାର ଖୋଲିବ ସମଲେଶ୍ୱେରୀ ମନ୍ଦିର, ପରିଚୟପତ୍ର ବାଧ୍ୟତାମୂଳକ

ସମ୍ୱଲପୁର(ସଞ୍ଜୟ ଜେନା): ଆସନ୍ତାକାଲିଠାରୁ ଭକ୍ତଙ୍କ ଦର୍ଶ ପାଇଁ ଖୋଲିବ ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା’ ସମଲେଶ୍ୱେରୀ ମନ୍ଦିର। ସେଥିପାଇଁ ସମସ୍ତ ପ୍ରସ୍ତୁତି ସରିଛି। ଆଜି ସମ୍ବଲପୁର ଜିଲ୍ଲାପାଳ ଓ ଏସ୍‌ପି ମନ୍ଦିର ପରିଦର୍ଶନ କରି ପରିଚାଳନା କମିଟି ସହିତ ଆଲୋଚନା କରିଛନ୍ତି।

ଆସନ୍ତାକାଲି ସକାଳ ୬ ଟାରୁ ୧୧ ଟା ୩୦ ପର୍ଯ୍ୟନ୍ତ ମନ୍ଦିର ଖୋଲା ରହିବ ମନ୍ଦିର। ପୁଣି ଅପରାହ୍ନ ୩ ଟାରୁ ସନ୍ଧ୍ୟା ୭ଟା ୩୦ ପର୍ଯ୍ୟନ୍ତ ଖୋଲା ରହିବ। କୋଭିଡ୍‌ କଟକଣା ଭିତରେ ଶ୍ରଦ୍ଧାଳୁମାନେ ମାଆଙ୍କୁ ଦର୍ଶନ କରିବେ। ଶ୍ରଦ୍ଧାଳୁମାନେ ମୁହଁରେ ମାସ୍କ ପିନ୍ଧିବେ ଓ ହାତ ସାନିଟାଇଜ୍‌ କରିବେ। ମନ୍ଦିର ଭିତରେ ପ୍ରବେଶ ପୂର୍ବରୁ ଥର୍ମାଲ୍‌ ସ୍ରିନିଂ ମଧ୍ୟ କରାଯିବ।

ଆସନ୍ତାକାଲି ଅର୍ଥାତ ରବିବାରକୁ ଛାଡି ଅନ୍ୟ ସମସ୍ତ ରବିବାର ମନ୍ଦିର ବନ୍ଦ ରହିବ। ପ୍ରଥମ ୫ ଦିନ କେବଳ ସମ୍ବଲପୁରର ଲୋକମାନେ ମାଆଙ୍କୁ ଦର୍ଶନ କରିପାରିବେ। ଏଥିପାଇଁ ପରିଚୟପତ୍ର ବାଧ୍ୟତାମୂଳକ କରାଯାଇଛି। ୮ ତାରିଖରୁ ସମସ୍ତଙ୍କୁ ମନ୍ଦିର ଭିତରେ ଛାଡ଼ିବାକୁ ଅନୁମତି ଦିଆଯିବ। ଏଥିପାଇଁ କୋଭିଡ୍‌ ଗାଇଡ୍‌ଲାଇନ୍‌ ମାନିବାକୁ ପଡ଼ିବ ବୋଲି ଜିଲ୍ଲାପାଳ ଶୁଭମ ସାକ୍‌ସେନା କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।