ମୁହଁ ଖୋଲିଲେ ଦାମଙ୍କ ପୁଅ: କହିଲେ ଏମିତି କଥା, ଦେଖନ୍ତୁ ଭିଡ଼ିଓ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେଡିର ବରିଷ୍ଠ ନେତା ଡାକ୍ତର ଦାମୋଦର ରାଉତ। ଗତ ସୋମବାର ଅନୁଷ୍ଠିତ ଜିଲ୍ଲା ସମୀକ୍ଷା ବୈଠକକୁ ଡକାଯାଇନଥିବାରୁ ସେ କ୍ଷୋଭ ପ୍ରକାଶ କରିଥିଲେ। ସେ କହିଥିଲେ, ମୋତେ କେହି ଡାକିନଥିଲେ କି ମୁଁ ଯାଇନି। ପୁଅ ସମ୍ୱତ ସେହି ବୈଠକରେ ଯୋଗଦେବା ପ୍ରସଙ୍ଗରେ ସେ ପ୍ରଶ୍ନ କରିଥିଲେ ଯେ, ବିଧାୟକଙ୍କ ପୁଅ କ&rsquo;ଣ ତାଙ୍କ ପ୍ରତିନିଧି ହୋଇପାରିବ? କାରଣ ମନ୍ତ୍ରୀ ପ୍ରଫୁଲ୍ଲ ସାମଲ କହିଥିଲେ, ପୁଅ ସମ୍ୱିତ ଆସିଥିବାରୁ ଦାମଭାଇ ଆସିଲେନି। ସେହିପରି ମହାନଦୀ ସମ୍ପର୍କିତ ବୈଠକକୁ ଡକାଯାଇନଥିବାରୁ ସେ କ୍ଷୋଭ ପ୍ରକାଶ କରିଥିଲେ। ଦାମଙ୍କ ଏମିତି ମନ୍ତବ୍ୟର ୨୪ ଘଣ୍ଟା ନପୂରୁଣୁ ଆଜି ତାଙ୍କ ପୁଅ ତଥା ବିଜେଡି ରାଜ୍ୟ ସମ୍ପାଦକ ସମ୍ୱିତ ରାଉତରାୟ ଏହି ପ୍ରସଙ୍ଗରେ ମୁହଁ ଖୋଲିଛନ୍ତି।</p> <p>ସେ କହିଛନ୍ତି-&ldquo;ବାପାଙ୍କ ଜାଗାରେ ମୁଁ ଯାଇଛି କଥା ଆଗରୁ କହିଥିଲେ ହୁଏତ ଠିକ୍&zwnj; ହୋଇଥାଆନ୍ତି। ବର୍ତ୍ତମାନ କହିବା ଠିକ୍ ନୁହେଁ। କାରଣ ବର୍ତ୍ତମାନ ମୁଁ ଦଳର ଜଣେ ରାଜ୍ୟ ସମ୍ପାଦକ। ପୂର୍ବରୁ ଦଳ ସହିତ ସମ୍ପୃକ୍ତ ନଥିଲି। ଦଳର ସୁପ୍ରିମୋ ମୋତେ ସମ୍ପାଦକ ଦାୟିତ୍ୱ ଦେଇଛନ୍ତି। ତାହାକୁ ଠିକ୍&zwnj; ଭାବେ ସମ୍ପାଦନ କରିବା ପାଇଁ ଚେଷ୍ଟା କରୁଛି। ବାପାଙ୍କୁ ଡକାନଯିବା ହେଉଛି ଉପର ଲେବୁଲ କଥା, ମୁଁ ସେ ବିଷୟରେ କହିପାରିବି ନାହିଁ।&rdquo;</p> <p>ସେ କହିଛନ୍ତି-&ldquo;ପ୍ରତ୍ୟେକ ନିର୍ବାଚନମଣ୍ଡଳୀରେ ଜଣେ ପ୍ରତିନିଧି ହେଉଛନ୍ତି ବିଧାୟକ। ତାଙ୍କୁ ଜନସାଧାରଣ ବାଛି ବିଧାନସଭା ପଠାଇଥାଆନ୍ତି। ତାଙ୍କର ପ୍ରତିନିଧି ନଥାଆନ୍ତି। ତେଣୁ ତାଙ୍କର କିଏ ପ୍ରତିନିଧି ରହିବ? ଏହା ସମ୍ଭବ ନୁହେଁ। ମୁଁ କାହାର ପ୍ରତିନିଧି ନୁହେଁ। ପ୍ରତି ନିର୍ବାଚନମଣ୍ଡଳୀରେ ଏକ ହ୍ୱାଟ୍ସଆପ୍&zwnj; ଗ୍ରୁପ୍&zwnj; ରହିଛି। ଏଥିରେ ଅତିକମ୍&zwnj;ରେ ୫୦୦୦ ଯୁବକଙ୍କୁ ସାମିଲ କରିବା ପାଇଁ ନିର୍ଦ୍ଦେଶ ରହିଛି। ଏହା ଷ୍ଟାଟସ୍&zwnj; ରିପୋର୍ଟ ବିଷୟରେ ଜାଣିବା ପାଇଁ ବୈଠକ ଡକାଯାଇଥିଲା। ସେଥିରେ ଭାଗ ନେବା ପାଇଁ ଯାଇଥିଲି।&rdquo;</p> <p>ବିଜେଡି ବାପ ଓ ପୁଅଙ୍କ ଭିତରେ ଲଢ଼େଇ କରୁଛି ବୋଲି ଗଣମାଧ୍ୟମରେ ହେଉଥିବା ଆଲୋଚନା ନେଇ ସମ୍ୱିତ କହିଛନ୍ତି-&ldquo;ସିଏ ମୋତେ ଜନ୍ମ ଦେଇଛନ୍ତି। ମୁଁ ତାଙ୍କ ପୁଅ। ମୁଁ ତାଙ୍କ ପ୍ରତିରୂପ। ଆମ ଭିତରେ କେମିତି ଝଗଡ଼ା ହୋଇପାରିବ? ମୁଁ ଏବେ ତାଙ୍କ ପାଖରେ ରହୁଛି। ମୁଁ ତାଙ୍କୁ ଛାଡ଼ି ଏ ଜୀବନରେ କୁଆଡ଼େ ଯିବି?&rdquo;</p> <p>ନିଜ ରାଜନୈତିକ ଭବିଷ୍ୟତ ସଂପର୍କରେ ସମ୍ବିତ କହିଛନ୍ତି-&ldquo;୨୦୦୯ରେ ଟିକେଟ ପାଇଥିଲି। ବାପା ମନା କଲେ। ୨୦୧୪ରେ ସୁଯୋଗ ଆସିଥିଲା କିନ୍ତୁ ବାପାଙ୍କ ଇଚ୍ଛାକୁ ପ୍ରାଧାନ୍ୟ ଦେଲି। ଆଗକୁ ରାଜନୀତିରେ ବହୁତ କିଛି ହେବାକୁ ଯାଉଛି।&rdquo;</p> <p>ମହାନଦୀ ବୈଠକକୁ ଦାମଙ୍କୁ ଡକାନଯିବା ନେଇ ସମ୍ୱିତ କହିଛନ୍ତି-&ldquo;ମହାନଦୀ ଛତିଶଗଡ଼ରୁ ବାହାରିଛି ସତ କିନ୍ତୁ ବେଶୀ ପ୍ରଭାବିତ ହେଉଛି ପାରାଦୀପ। ବର୍ଷା ଦିନରେ ମହାନଦୀର କରାଳ ରୂପ ଦେଖି ଦେଖିଛନ୍ତି ପାରାଦୀପ ଓ ପାଟକୁରା ନିର୍ବାଚନମଣ୍ଡଳୀବାସୀ। ତେଣୁ ଏହି ବିଷୟରେ ବାପାଙ୍କର ଅଧିକ ଅଭିଜ୍ଞତା ରହିଛି। ଏପରି ସମ୍ୱେଦନଶୀଳ ପ୍ରସଙ୍ଗରେ ଦଳ ତାଙ୍କ ଅଭିଜ୍ଞତା ଉପଯୋଗ ନକରିବା ଦୁର୍ଭାଗ୍ୟଜନକ।&rdquo;</p> <p>&lt;span style=&quot;color: #ff0000;&quot;&gt;&lt;em&gt;ସମ୍ୱିତ ଆଉ କ&rsquo;ଣ କହିଛନ୍ତି ଏହି ଭିଡ଼ିଓରେ ଦେଖନ୍ତୁ-&lt;/em&gt;&lt;/span&gt;</p>