ସମ୍ୱଲପୁର: ଲେଡି ଲୁଇସ୍ ସ୍କୁଲରୁ  ନିଖୋଜ ୪ ଛାତ୍ରୀ ପୁନେରୁ ଉଦ୍ଧାର

ସମ୍ୱଲପୁର: ସମ୍ୱଲପୁର ଲେଡି ଲୁଇସ୍ ସରକାରୀ ବାଳିକା ଉଚ୍ଚ ବିଦ୍ୟାଳୟର ନିଖୋଜ ୪ ଛାତ୍ରୀଙ୍କୁ ପୁନେରୁ ପୋଲିସ ଉଦ୍ଧାର କରିଛି। ସମସ୍ତ ୪ଜଣ ଛାତ୍ରଙ୍କୁ ସମ୍ୱଲପୁର ପୋଲିସ ଆଣୁଛି। ଆଜି ରାତି ସୁଦ୍ଧା ଏମାନଙ୍କୁ ନେଇ ସମ୍ୱଲପୁର ପୋଲିସ ପହଞ୍ଚିବ ବୋଲି ସମ୍ୱଲପୁର ଏସପି କହିଛନ୍ତି। ତେବେ କାହିଁକି ଓ କେଉଁ ପରିସ୍ଥିତିରେ ଏମାନେ ଏତେବାଟକୁ ଗଲେ ପୋଲିସ ଏନେଇ ସ୍ପଷ୍ଟ କରିନି।

ଦଶମ ଶ୍ରେଣୀରେ ପଢୁଥିବା ଏହି ଛାତ୍ରୀମାନେ ଗତ ଶନିବାରଠାରୁ ନିଖୋଜ ଥିଲେ। ଏ ସମ୍ପର୍କରେ ଅଭିଭାବକଙ୍କ ପକ୍ଷରୁ ଟାଉନ ଥାନାରେ ଅଭିଯୋଗ ପରେ ପୋଲିସ୍ ଏକ ଅପହରଣ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।