ତମାଖୁ ବର୍ଜନ କରିବାକୁ ବାଲୁକା କଳା ମାଧ୍ୟମରେ ସଚେତନତା ବାର୍ତ୍ତା

ପୁରୀ(ମଧୁସୂଦନ ମିଶ୍ର): ଆଜି ବିଶ୍ୱ ତମାଖୁ ବର୍ଜନ ଦିବସ। ଏହି ଅବସରରେ ଆର୍ନ୍ତଜାତିକ ବାଲୁକା ଶିଳ୍ପୀ ମାନସ କୁମାର ସାହୁ  ପୁରୀ ବେଳାଭୂମିରେ ଏକ ବାଲୁକା କଳା ନିର୍ମାଣ କରିଛନ୍ତି। ସେ ଏହି ବାଲୁକା କଳାରେ ‘Tobaco Breaks Hearts’ ବିଷୟକୁ ଉଲ୍ଳେଖ କରିଛନ୍ତି। ଜଣେ ବ୍ୟକ୍ତି ନିଶାଗ୍ରସ୍ତ ହେଲେ  ଏହାର ପ୍ରଭାବ  ତାର ହୃଦ୍‌ଯନ୍ତ୍ର ଉପରେ ପଡେ ଏବଂ  ସେ ଧୀରେ ଧୀରେ ମୃତ୍ୟୁ  ମୁଖକୁ ଯାଇଥାଏ। ଏହି ଭୟାବହତାକୁ ଅତି ନିଖୁଣ ଭାବରେ ମାନସ ତାଙ୍କ ବାଲୁକା  କଳା ମାଧ୍ୟମରେ ଦର୍ଶାଇଛନ୍ତି।

ସେହିପରି ମାନସ ତାଙ୍କ ବାଲୁକା କଳାରେ ‘ChoosE Health Not Tobacco‘ର ବାର୍ତ୍ତା ମଧ୍ୟ ଦେଇଛନ୍ତି। ବାଲୁକା କଳା ମାଧ୍ୟମରେ ସେ  ହୃତପିଣ୍ଡର ଚିତ୍ର ଓ ଧୂମପାନ କରିବା ଦ୍ୱାରା କିପରି ଏହା କ୍ଷତିଗ୍ରସ୍ତ ହୁଏ ତାହା ଦେଖାଇଛନ୍ତି।

୨୦ ଫୁଟ୍‌ ଓସାର ବିଶିଷ୍ଟ ଏହି ବାଲୁକା କଳା ତିଆରି କରିବାକୁ ୨୦ ଟନ୍‌ ବାଲି ବ୍ୟବହାର କରାଯାଇଛି। ଏହି ବାଲୁକା କଳାକୁ ନିର୍ମାଣ କରିବାକୁ ତାଙ୍କ ଅନୁଷ୍ଠାନର ଛାତ୍ରଛାତ୍ରୀଙ୍କୁ ୭ ଘଣ୍ଟା ସମୟ ଲାଗିଥିଲା।