ଭଞ୍ଜନଗର(ରାଜେଶ କୁମାର ପଣ୍ଡା): ଗଞ୍ଜାମ ଜିଲ୍ଲା ସୋରଡ଼ା-ଦାରିଙ୍ଗିବାଡ଼ି ଘାଟି ରାସ୍ତାକୁ ସିଲ୍ କରାଯାଇଛି। ଭୂସ୍ଖଳନ ଆଶଙ୍କାରେ ଗାଜଲବାଡ଼ିରେ ରାସ୍ତାକୁ ସିଲ୍ କରିଛି ଜିଲ୍ଲା ପ୍ରଶାସନ। ବ୍ୟାରିକେଡ୍ ମାଧ୍ୟମରେ ରାସ୍ତା ସିଲ କରାଯାଇଛି। ବର୍ତ୍ତମାନ ଉକ୍ତ ରାସ୍ତା ଦେଇ ଯାତାୟତ ସମ୍ପୂର୍ଣ୍ଣ ବନ୍ଦ ରହିଛି।
ଭୂସ୍ଖଳନ ଆଶଙ୍କା କରି ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ଗାଜଲବାଡ଼ିରେ ଡେରା ପକାଇଥିଲା। ପାହାଡ଼ିଆ ଅଞ୍ଚଳରୁ ନିରାପଦ ସ୍ଥାନକୁ ପଳାଇ ଯିବାକୁ ମାଇକ୍ରେ ପ୍ରଚାର କରାଯାଇଥିଲା। ଏହାଛଡ଼ା ଯେଉଁମାନେ ଘରୁ ଆସୁନଥିଲେ ସେମାନଙ୍କୁ ପ୍ରଶାସନ ପକ୍ଷରୁ ଉଦ୍ଧାର କରାଯାଇ ବାତ୍ୟା ଆଶ୍ରୟ ସ୍ଥଳରେ ଥଇଥାନ କରାଯାଇଛି। ସେମାନଙ୍କ ପାଇଁ ଖାଇବାର ବ୍ୟବସ୍ଥା ମଧ୍ୟ କରାଯାଇଛି।
ସେପଟେ ଭଞ୍ଜନଗର ଉପଜିଲ୍ଲାପାଳ ଆଜି ସକାଳେ ସ୍ଥିତି ପରଖିଥିଲେ। ସତର୍କ ରହିବାକୁ ପରାମର୍ଶ ଦେଇଥିଲେ। ଅନ୍ୟପକ୍ଷରେ ବାତ୍ୟା ‘ଗୁଲାବ’ ପ୍ରଭାବରେ ଅପରାହ୍ନରୁ ବର୍ଷାର ପରିମାଣ ବଢ଼ିଛି। ମଝିରେ ମଝିରେ ପବନର ବେଗ ମଧ୍ୟ ବଢ଼ିଛି। ଲୋକଙ୍କୁ ସୁରକ୍ଷିତ ସ୍ଥାନରେ ରହିବାକୁ ପରାମର୍ଶ ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
