ସରକାରଙ୍କ ଉପରେ ଆସ୍ଥା ଅଛି, କମ୍ପାନୀ ବନ୍ଦ କରିବୁନି: ବେଦାନ୍ତ ଆଲୁମିନିୟମ ସିଇଓ

ଭୁବନେଶ୍ୱର: ବେଦାନ୍ତକୁ କଞ୍ଚାମାଲ ଯୋଗାଣକୁ ନେଇ ଆଜି ମୁଖ୍ୟ ଶାସନ ସଚିବ ଗୋକୁଳ ଚନ୍ଦ୍ର ପତିଙ୍କ ଅଧ୍ୟକ୍ଷତାରେ ଏକ ବୈଠକ ବସିଥିଲା। ସଚିବାଳୟରେ ଅନୁଷ୍ଠିତ ଏହି ବୈଠକରେ ଉନ୍ନୟନ କମିଶନର, ଖଣି ସଚିବ ଓ ବେଦାନ୍ତ କମ୍ପାନୀର ଉଚ୍ଚ ପଦସ୍ଥ ଅଧିକାରୀମାନେ ଯୋଗ ଦେଇଥିଲେ। ବୈଠକ ପରେ ଏ ନେଇ ବେଦାନ୍ତ ଆଲୁମିନିୟମ ସିଇଓ ଅଭିଜିତ ପତି ସୂଚନା ଦେଇ କହିଛନ୍ତି, କଞ୍ଚାମାଲ ଯୋଗାଣ ଲାଗି ଆମେ ପକ୍ଷ ରଖିଲୁ। ବର୍ଷକୁ ୩୦ ଲକ୍ଷ ମେଟ୍ରିକ ଟନ ବକ୍ସାସାଇଟର ଆବଶ୍ୟକତା ରହିଛି। କଞ୍ଚାମାଲ ଅଭାବରୁ କମ୍ପାନୀରେ ୫୦ ପ୍ରତିଶତ ଉତ୍ପାଦନ କମିଯାଇଛି। ତଥାପି ରାଜ୍ୟ ସରକାରଙ୍କ ଉପରେ ଆମର ଆସ୍ଥା ଅଛି। କାରଖାନା ବନ୍ଦ କରିବୁ ନାହିଁ ବୋଲି ସେ କହିଛନ୍ତି।