ନୟାଗଡ଼ (ଆର୍ତ୍ତତ୍ରାର ପ୍ରଧାନ): ସରପଞ୍ଚଙ୍କୁ ଜିଲ୍ଲାପାଳଙ୍କ କ୍ଷମତା ଦିଆଯାଇଛି। ସେହି କ୍ଷମତାକୁ ପ୍ରୟୋଗ କରି ସରପଞ୍ଚମାନେ ପଞ୍ଚାୟତରେ ମାହାମାରୀ ‘କରୋନା’ ବିରୋଧରେ ଲଢୁଛନ୍ତି। ସରକାରଙ୍କ ନୀତିନିୟମ ସମ୍ପର୍କରେ ସାଧାରଣ ଲୋକଙ୍କୁ ସଚେତନ ବି କରୁଛନ୍ତି। ଏପରିକି ଯେଉଁମାନେ ନିୟମକୁ ଉଲ୍ଲଙ୍ଘନ କରିବେ, ସରପଞ୍ଚମାନେ ଚାହିଁଲେ ସେମାନଙ୍କ ବରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ। ହେଲେ ଆଜି ସେହି ସରପଞ୍ଚ ନିଜେ ଶାସକ ଦଳ ବିଧାୟକଙ୍କ ସହ ମିଶି ଲକ୍ଡାଉନ୍ ଗାଇଡ୍ଲାଇନ୍କୁ ଉଲ୍ଲଙ୍ଘନ କରିଛନ୍ତି। ନୟାଗଡ଼ ଜିଲ୍ଲା ଷୋଲପଟା ପଞ୍ଚାୟତର ସରପଞ୍ଚ ସୁଶାନ୍ତ କୁମାର ଜେନାଙ୍କ ନାଁରେ ଆସିଛି ଏପରି ଅଭିଯୋଗ।
ମହାମାରୀ ‘କରୋନା’ ସମଗ୍ର ବିଶ୍ୱକୁ ଗ୍ରାସିବାରେ ଲାଗିଛି। ଆଜି ସୁଦ୍ଧା ୨ ଲକ୍ଷରୁ ଅଧିକ ଲୋକଙ୍କର ମୃତ୍ୟୁ ଘଟିଥିଲା। ଏଥିରୁ ଓଡ଼ିଶା ପରି ରାଜ୍ୟ ବର୍ତ୍ତି ପାରି ନାହିଁ। ଆଜି ସୁଦ୍ଧା ରାଜ୍ୟରେ ୭ ଜଣଙ୍କ ଜୀବନ ଯାଇଛି। ଯାହାକୁ ଦେଖି ରାଜ୍ୟ ସରକାର ଗାଇଡ୍ଲାଇନ୍ ଜାରି କରିଛନ୍ତି। ବିବାହ ଓ ସାମାଜିକ ଉତ୍ସବକୁ ବାରଣ କରାଯାଇଛି। ଯଦି ବିବାହ ଉତ୍ସବ କରାଯିବ, ତାହାହେଲେ ୫୦ରୁ ଅଧିକ ଲୋକ ଏଥିରେ ସାମିଲ କରାଯିବ ନାହିଁ ବୋଲି ଗାଇଡ୍ଲାଇନ୍ରେ ରହିଛି। ଏହାକୁ ଉଲ୍ଲଙ୍ଘନ କରି ଷୋଲପଟା ପଞ୍ଚାୟତର ସରପଞ୍ଚ ସୁଶାନ୍ତ କୁମାର ଜେନା ନିଜେ ବିବାହ କରିଛନ୍ତି। ଆଉ ସାମାଜିତ ଦୂରତାକୁ ଫୁ’ କରିଦେଇଥିବା ଅଭିଯୋଗ ହୋଇଛି।