ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): କୁନ୍ଦୁଲି ଦୁଷ୍କର୍ମ ଓ ପୀଡିତାଙ୍କ ଆତ୍ମହତ୍ୟା ଘଟଣାର ଖୋଳତାଡ଼ ପାଇଁ ଅନୁସୂଚିତ ଜାତି କମିଶନଙ୍କ ୩ ଜଣିଆ ପ୍ରତିନିଧି ଦଳ କୁନ୍ଦୁଲି ଯାଇଛି। ପ୍ରତିନିଧି ଦଳ ସରଜମିନ୍ ତଦନ୍ତ କରିବା ସହ ପୀଡ଼ିତାଙ୍କ ପରିବାର ସଦସ୍ୟଙ୍କୁ ସାକ୍ଷାତ କରିବ। କୁନ୍ଦୁଲିରୁ ଫେରିବା ପରେ ପ୍ରତିନିଧି ଦଳ ମୁଖ୍ୟ ଶାସନ ସଚିବ, ଡିଜିପି ଓ ଗୃହ ସଚିବଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଏହି ଘଟଣାରେ ଯେ କେହି ଦୋଷୀ ହୋଇଥିବ ତା’ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ପ୍ରୟାସ କରାଯିବ ବୋଲି ପ୍ରତିନିଧି ଦଳରେ ଆସିଥିବା ଅନୁସୂଚୀତ ଜାତି କମିଶନ ସଦସ୍ୟ ଯୋଗେନ୍ଦ୍ର ପାଶଓ୍ୱାନ କହିଛନ୍ତି।</p> <p>ଅନ୍ୟପକ୍ଷରେ, ପୋଲିସ, କ୍ରାଇମବ୍ରାଞ୍ଚ, ଏସ୍‌ଆଇଟି, ବିଚାର ବିଭାଗୀୟ ତଦନ୍ତ କୌଣସି ଗୋଟିଏ ଉପରେ ବି କୁନ୍ଦୁଲି ପୀଡିତାଙ୍କ ପରିବାରର ଭରସା ନାହିଁ। ଗଣଦୁଷ୍କର୍ମ ଅଭିଯୋଗ ଘଟଣାର ସିବିଆଇ ତଦନ୍ତ ଦାବି କରି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ପୀଡିତାଙ୍କ ଭାଇ। ପୋଲିସ ଠିକ୍‌ରେ ତଦନ୍ତ ନକରିବା, ଡିଜି ପୀଡିତାଙ୍କୁ ଟଙ୍କା ଯାଚିବା ଓ ଫୋରେନ୍ସିକ୍ ଲ୍ୟାବ୍ ରିପୋର୍ଟ ଦ୍ୱନ୍ଦ୍ୱ ପ୍ରସଙ୍ଗକୁ ଆବେଦନରେ ଦର୍ଶାଇ, ରାଜ୍ୟ ସରକାରଙ୍କ ତଦନ୍ତରୁ ନ୍ୟାୟ ମିଳିବାରେ ଆଶଙ୍କା ପ୍ରକାଶ କରିଛି ପୀଡିତାଙ୍କ ପରିବାର। ଘଟଣାର ନୀରପେକ୍ଷ ତଦନ୍ତ ଲାଗି ସିବିଆଇକୁ ଦାୟିତ୍ୱ ଦେବା ପାଇଁ ପିଟିସନରେ ପୀଡ଼ିତାଙ୍କ ଭାଇ ନିବେଦନ କରିଛନ୍ତି।</p> <p>ସେହିପରି ଏହି ଘଟଣାର ସିବିଆଇ ତଦନ୍ତ ଦାବି କରି ରାଜ୍ୟପାଳ ଏସ୍‌ସି ଜମିରଙ୍କୁ ଚିଠି ଲେଖିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ଗିରିଧର ଗମାଙ୍ଗ। ରାଜ୍ୟ ସରକାରଙ୍କ ପକ୍ଷରୁ ଯେଉଁ ତଦନ୍ତ ଚାଲିଛି ସେଥିରେ ପୀଡିତାଙ୍କ ପରିବାର ଓ ସାଧାରଣ ଲୋକ ସନ୍ତୁଷ୍ଟ ନୁହଁନ୍ତି, ତେଣୁ ଘଟଣାର ତଦନ୍ତ ଦାୟିତ୍ୱ ସିବିଆଇକୁ ଦେବା ଲାଗି ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେବା ପାଇଁ ସେ ଚିଠିରେ ଅନୁରୋଧ କରିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
