ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବାରିପଦା(ଓଡ଼ିଶା ରିପୋର୍ଟର): ଖେଳ ଖେଳରେ ପାଠ ପଢ଼ା। ପାଠପୋଥିରୁ ନୁହେଁ, ସ୍କୁଲର ରଙ୍ଗୀନ କାନ୍ଥ, ଚଟାଣ ଓ ଖେଳଣାରୁ ଶିକ୍ଷାଲାଭ କରୁଛନ୍ତି ପିଲା। ଏହା କୌଣସି ସହରାଞ୍ଚଳ ସ୍କୁଲ ନୁହେଁ, ଆମେ କହୁଛୁ ଆଦିବାସୀ ଅଧ୍ୟୁକ୍ଷିତ ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଳକର ବର୍ତନା ଓ ରାଘବପୁର ପ୍ରାଥମିକ ବିଦ୍ୟାଳୟ କଥା। ଗତ ଦୁଇ ବର୍ଷ ତଳେ ‘ମୁଁ ବି ପଢ଼ିବି’ କାର୍ଯ୍ୟକ୍ରମ ଅଧୀନରେ ଏହି ବ୍ଳକ୍‌ରେ ସ୍ୱଶିକ୍ଷଣ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଏବେ ଏହି ସ୍କୁଲ ଗୁଡ଼ିକର ରୂପ ବଦଳି ଯାଇଛି। ଅଭିନବ ଢଙ୍ଗରେ ପାଠପଢ଼ା ପାଇଁ ଚଳିତ ବର୍ଷ ଫିଜିରେ ୫୩ଟି ଦେଶକୁ ନେଇ ଆୟୋଜିତ କମନୱେଲ୍‌ଥ କାର୍ଯ୍ୟକ୍ରମରେ ମୟୂରଭଞ୍ଜର ଏହି ସ୍ୱଶିକ୍ଷଣ କାର୍ଯ୍ୟକ୍ରମକୁ ପୁରସ୍କୃତ କରାଯାଇଛି। ରାସଗୋବିନ୍ଦପୁର ବ୍ଲକ୍ ଶିକ୍ଷା ଅଧିକାରୀ ରାଜେଶ କୁମାର ପ୍ରଧାନ ଏହି ପୁରସ୍କାର ଗ୍ରହଣ କରିଥିଲେ।<a href="">(image) </a></p> <p>ପିଲାମାନେ ସ୍କୁଲରେ ପାଠ ପଢ଼ୁଛନ୍ତି କମ୍, ଶିଖୁଛନ୍ତି ବେଶୀ। ସ୍କୁଲ୍ ଓ ଶ୍ରେଣୀଗୃହ ଭିତରକୁ ଦେଖିଲେ ଏଗୁଡ଼ିକ ଯେ ଏକ ଆଦିବାସୀ ଅଧ୍ୟୁଷିତ ଗାଁର ସରକାରୀ ୟୁପି ସ୍କୁଲ ବିଶ୍ୱାସ କରିବା କଷ୍ଟ। ରଙ୍ଗବେରଙ୍ଗର ଚିତ୍ର ଓ ହାତ ତିଆରି ଖେଳଣାରୁ ପିଲାମାନେ ଏବିସିଡି, ବିପରୀତ ଶବ୍ଦ, ସଂଖ୍ୟା ଗଣନା ଆଦି ଶିଖୁଛନ୍ତି। କେବଳ ସେତିକି ନୁହେଁ ସ୍କୁଲ ବଗିଚାରେ ଭଳି କି ଭଳି ଗଛ ଓ ଫୁଟିଥିବା ସୁନ୍ଦର ସୁନ୍ଦର ଫୁଲ ସମ୍ପର୍କରେ ପିଲାମାନେ ଜାଣିବା ପାଇଁ ପ୍ରତି ଗଛ ପାଖରେ ତାହାର ନାଁ ମଧ୍ୟ ଲେଖାଯାଇଛି।</p> <p><a href="http://odishareporter.in/wp-content/uploads/2018/03/scholl-34.png">(image) </a> ପାଠପଢ଼ା ସହିତ ଖେଳକୁଦ, ନାଚଗୀତରେ ବି ପିଲାଙ୍କ ଆଗ୍ରହକୁ ଏଠାରେ ଆହୁରି ପ୍ରୋତ୍ସାହନ ଦିଆଯାଉଛି। ସ୍କୁଲରେ ଚାଲିଥିବା ଏହି କାର୍ଯ୍ୟକ୍ରମ ଏଠି ଏତେ ମାତ୍ରାରେ ସଫଳ ହୋଇଛି ଯେ ଜିଲ୍ଲାର ଆହୁରି ଅନେକ ସ୍କୁଲ୍‌ରେ ଏହି ଉପାୟରେ ପିଲାଙ୍କୁ ପାଠ ପଢ଼ାଇବା ଆରମ୍ଭ ହୋଇଛି।</p> <p>https://www.youtube.com/watch?v=3zTTh9kn5-8</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
