ବିପଦସଙ୍କୁଳ ଅବସ୍ଥାରେ ସ୍କୁଲ

 

ରାୟଗଡା(ଓଡିଶା ରିପୋର୍ଟର): ରାମନାଗୁଡା ବ୍ଳକ୍ ତାମିଙ୍ଗି ପ୍ରାଥମିକ ସ୍କୁଲ୍‌ରେ ବିପଦସଙ୍କୁଳ ଅବସ୍ଥାରେ ଚାଲିଛି ପାଠପଢା । ଗୋଟିଏ ପଟେ ଅଧପନ୍ତରିଆ ହୋଇ ସ୍କୁଲ ପଡିରହିଥିବା ବେଳେ ପୁରୁଣା ଘରେ ବିପଦସଂକୁଳ ଅବସ୍ଥାରେ ଚାଲିଛି ପାଠପଢ଼ା । ଛାତରୁ ଖସୁଛି ସିମେଣ୍ଟ ,କେଉଁ ମୁହୁର୍ତ୍ତରେ କଣ ଘଟିବ କିଛି କହିହେବ ନାହିଁ । ଶ୍ରେଣୀଗୃହ ଅଭାବରୁ ତଳେ ବସି ବିପଦସଙ୍କୁଳ ଅବସ୍ଥାରେ ପାଠ ପଢୁଛନ୍ତି କୁନି କୁନି ପିଲା । ୫ବର୍ଷ ତଳେ କୋଠା ନିର୍ମାଣ ପାଇଁ ସର୍ବଶିକ୍ଷା ଅଭିଯାନ ପକ୍ଷରୁ ୨ଲକ୍ଷ ୫୦ ହଜାର ଟଙ୍କା ମଂଜୁର୍ ହୋଇଥିଲା। ତେବେ ଦାୟିତ୍ୱରେ ଥିବା ଭୂତପୂର୍ବ ପ୍ରଧାନ ଶିକ୍ଷକଙ୍କ ବଦଳି ପରେ ନିର୍ମାଣ କାମ ଠପ୍ ହୋଇଯାଇଥିବା ଅଭିଯୋଗ ହୋଇଛି ।ଏପଟେ ସ୍କୁଲରେ ପ୍ରଥମରୁ ୫ମ ଶ୍ରେଣୀ ଯାଏଁ ଶିକ୍ଷାଦାନ ବ୍ୟବସ୍ଥା ରହିଛି ଓ କୌଣସି ବିକଳ୍ପ ନଥିବାରୁ ବର୍ଷ ବର୍ଷ ଧରି ସୁଧୁରିପାରୁନି ପ୍ରକୋଷ୍ଠ ଅଭାବ ସମସ୍ୟା । ତେବେ ଘଟଣା ସଂପର୍କରେ ଅବଗତ ଥିବା ଏବଂ ଖୁବ୍ ଶୀଘ୍ର କୋଠା ନିର୍ମାଣ କାମ ସାରିବା କଥା କହିଛନ୍ତି ରାମନାଗୁଡା ବିଆରସି ।