ପୁରୀ(ଓଡ଼ିଶା ରିପୋର୍ଟର): ଶ୍ରୀଜିଉଙ୍କ ଦର୍ଶନ ବେଳେ ଜଣେ ଶ୍ରଦ୍ଧାଳୁଙ୍କ ଠାରୁ ଚୋରି ହୋଇଥିବା ଅଭିଯୋଗ ହୋଇଛି। କଟକର ଜଣେ ଭକ୍ତଙ୍କ ପକେଟରୁ ଖୋଦ୍ ଜଣେ ସେବାୟତ ପର୍ସ ଚୋରି କରିଛନ୍ତି। ଏ ନେଇ ଭକ୍ତ ଜଣକ ସିଂହଦ୍ୱାର ଥାନାରେ ଅଭିଯୋଗ ପରେ ପୋଲିସ୍ ସଂପୃକ୍ତ ସେବାୟତଙ୍କୁ ଅଟକ ରଖିଛି।
ଅଭିଯୋଗ ଅନୁସାରେ ଗତକାଲି କଟକରୁ ଆସିଥିବା ସ୍ୱପ୍ନଜୀତ ନାୟକ ନାମକ ଜଣେ ଭକ୍ତ ନାଟମଣ୍ଡପ ନିକଟରେ ଶ୍ରୀଜିଉଙ୍କୁ ଦର୍ଶନ କରୁଥିଲେ। ସେ ସମୟରେ ତାଙ୍କ ପକେଟ୍ରୁ ପର୍ସ ଚୋରି ହୋଇଥିଲା। ଏନେଇ ଜଣେ ସେବାୟତଙ୍କ ବିରୋଧରେ ପୋଲିସ୍ରେ ଅଭିଯୋଗ କରିଥିଲେ ସ୍ୱପ୍ନଜୀତ। ଏହି ଘଟଣାରେ ଅଭିଯୁକ୍ତ ସେବାୟତ ଶ୍ୟାମସୁନ୍ଦର ପ୍ରତିହାରୀଙ୍କୁ ଅଟକ ରଖିବା ସହ ତାଙ୍କଠାରୁ ଚୋରି ହୋଇଥିବା ପର୍ସ ଜବତ କରିଥିଲା ପୋଲିସ। ଏ ଘଟଣା ସମୟର ସିସିଟିଭି ଫୁଟେଜ୍ ଯାଞ୍ଚ କରି ଖୋଳତାଡ଼ ଜାରି ରଖିଛି ପୋଲିସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
