ନକ୍ସଲଙ୍କ ସହିଦ ସପ୍ତାହ ଆରମ୍ଭ: ହିଂସାକାଣ୍ଡ ଘଟାଇବା ଆଶଙ୍କାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି

ମାଲକାନଗିରି/ରାୟଗଡ଼ା(ଓଡ଼ିଶା ରିପୋର୍ଟର): ଆଜିଠାରୁ ନକ୍ସଲମାନେ ସହିଦ ସପ୍ତାହ ପାଳନ କରୁଛନ୍ତି। ଅଗଷ୍ଟ ୩ ତାରିଖ ପର୍ଯ୍ୟନ୍ତ ସେମାନେ ସହିଦ ସପ୍ତାହ ପାଳନ କରିବେ। ଏହି ଅବସରରେ ନକ୍ସଲମାନେ ହିଂସାକାଣ୍ଡ ଘଟାଇବା ଆଶଙ୍କା ଥିବାରୁ ମାଲକାନଗିରି ପୁଲିସ୍‌ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଜିଲ୍ଲାର ମାଓ ପ୍ରବଣ ଅଞ୍ଚଳରେ ଏସ୍‌ଓଜି, ବିଏସ୍ଏଫ୍ ଓ ଡିଭିଏଫ୍ ପକ୍ଷରୁ ଅପରେସନ୍‌କୁ ଜୋରଦାର କରାଯାଇଛି।

ରାୟଗଡ଼ା ଜିଲ୍ଲା ମୁନିଗୁଡ଼ାରେ ନକ୍ସଲମାନେ ପୋଷ୍ଟର୍ ଓ ବ୍ୟାନର୍ ଲଗାଇଥିଲେ। ବିଷମ କଟକ ଥାନା ଅନ୍ତର୍ଗତ କୁର୍ଲା ଗାଁରେ ଏହି ପୋଷ୍ଟର୍ ଓ ବ୍ୟାନର୍ ଲଗାଯାଇଥିଲା। ପୁଲିସ୍‌ ସେଗୁଡ଼ିକୁ ଜବତ କରିଛି।