କୋରାପୁଟ(ସୂର୍ଯ୍ୟ ପଣ୍ଡା): କୋଟିଏ ଟଙ୍କାରେ ଗଞ୍ଜେଇ ଜବତ କଲା ପୁଲିସ। ଏହି ଘଟଣାରେ ୫ ଜଣଙ୍କୁ ଗିରଫ କରିଥିବା ବେଳେ ଦୁଇଟି ଗାଡ଼ି ଜବତ କରିଛି। ଏପରି ଅଭିଯୋଗ କୋରାପୁଟ ଜିଲ୍ଲା ସେମିଳିଗୁଡ଼ା ଅଞ୍ଚଳରୁ ଆସିଛି।
ଗତକାଲି ରାତିରେ ଗୋଟାଏ ପିକଅପ୍ ଭ୍ୟାନ୍ରେ ୧୦୦୦ କେଜିରୁ ଅଧିକ ଓଜନର ଗଞ୍ଜେଇ ଚାଳାଣ ହେଉଥିଲା। ଆଉ ସେହି ଗଞ୍ଜେଇ ଭର୍ତ୍ତି ଗାଡ଼ିକୁ ଗୋଟାଏ ମୋଟର ସାଇକେଲ ବାଟ କଢ଼ାଇ ନେଉଥିଲା। ଏ ସମ୍ପର୍କରେ ସେମିଳିଗୁଡ଼ା ଥାନା ପୁଲିସ ଜାଣିପାରି କକରିଗୁଡା ଛକ ନିକଟରେ ଜଗି ରହିଥିଲା।
ଆଉ ଗଞ୍ଜେଇ ଭର୍ତ୍ତି ଗାଡ଼ିକୁ ଅଟକାଇ ଥିଲା। ଉକ୍ତ ଗାଡ଼ିରୁ ଗଞ୍ଜେଇ ଜବତ କରିବା ସହିତ ପରମେଶ, କାର୍ତ୍ତିକ, ଗୋପାଳ ଭୋଇ, ଶ୍ୟମ ଭୋଇ ଓ ଡମୁ ଭୋଇଙ୍କୁ ଅଟକ ରଖିଥିଲା। ଆଜି ପୁଲିସ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି। ମାତ୍ର ଏହି ଗଞ୍ଜେଇ କେଉଁଠିକି ଚାଲାଣ ହେଉଥିଲା, ତାହା ଜଣାପଡ଼ି ନାହିଁ। ତେବେ ଆନ୍ଧ୍ରପ୍ରଦେଶ ଚାଲାଣ ହେଉଥିବା ବିଶେଷ ସୂତ୍ରରୁ ଜଣାପଡ଼ିଛି
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
