ନରସିଂହପୁର (ଓଡ଼ିଶା ରିପୋର୍ଟର): ଦୁର୍ଗମ ନୁହେଁ, ଉପକୂଳରୁ ଆସିଛି ବିକଳ ଚିତ୍ର! ଗାଁକୁ ଯିବା ପାଇଁ ରାସ୍ତା ଭଲ ନାହିଁ। ତେଣୁ ଗୁରୁତର ରୋଗୀଙ୍କୁ ଷ୍ଟ୍ରେଚରରେ ବୁହାଯାଇଛି। ଏପରି ଚିତ୍ର ଆସିଛି କଟକ ଜିଲ୍ଲା ନରସିଂହପୁର ବ୍ଲକ ଅଞ୍ଚଳରୁ।
ନରସିଂହପୁର ବ୍ଲକ୍ ଦେବଭୁଇଁ ପଞ୍ଚାୟତ ବ୍ରାହ୍ମଣୀ ଗାଁର ସରୋଜିନୀ ହେମ୍ୱ୍ରମ ଆଜି ଅସୁସ୍ଥ ହୋଇପଡ଼ିଥିଲେ। ତାଙ୍କ ମେଡ଼ିକାଲ୍ ନେବା ପାଇଁ ପରିବାର ଲୋକେ ଆମ୍ବୁଲାନ୍ସକୁ ଫୋନ୍ କରିଥିଲେ। ଫୋନ୍ କଲ ପାଇବା ପରେ ନିର୍ଦ୍ଧାରିତ ସମୟରେ ଗାଁ ଅଭିମୁଖେ ବାହାରିଥିଲା ଆମ୍ୱୁଲାନ୍ସ। ହେଲେ ବ୍ରାହ୍ମଣୀ ଗାଁକୁ ଯାଇପାରିନଥିଲା। ଗାଁଠାରୁ ୧ କିମି ଦୂରରେ ଅଟକିଥିଲା।
ରାସ୍ତା ଖରାପ ଥିବାରୁ ଆମ୍ୱୁଲାନ୍ସ ଗାଁକୁ ଯାଇପାରିନଥିଲା। ପରେ ଆମ୍ବୁଲାନ୍ସ ଡ୍ରାଇଭର ବିକାଶ ଚନ୍ଦ୍ର ଭୋଳ, ଫାର୍ମାସିଷ୍ଟ ସୁଜିତ ପ୍ରଧାନ ଓ ତାଙ୍କ ସହାୟକ ଅଚ୍ୟୁତାନନ୍ଦ ପାତ୍ର ଷ୍ଟ୍ରେଚର ଧରି ବ୍ରାହ୍ମଣୀ ଗାଁକୁ ଯାଇଥିଲେ। ରୋଗୀଙ୍କୁ ଷ୍ଟ୍ରେଚରରେ ଆମ୍ୱୁଲାନ୍ସ ପର୍ଯ୍ୟନ୍ତ ବୋହି ଆଣିଥିଲେ। ତା’ପରେ ତାଙ୍କୁ ନେଇ ହିନ୍ଦୋଳ ମେଡିକାଲରେ ଭର୍ତ୍ତି କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
