ଭଦ୍ରକ(ପାର୍ଥସାରଥୀ ନାୟକ): ହାୱଡାରୁ ଭୁବନେଶ୍ୱର ଆସୁଥିବା ଜନଶତାଦ୍ଦୀ ଏକ୍ସପ୍ରେସ୍ ଲାଇନଚ୍ୟୁତ ହୋଇଛି। ଭଦ୍ରକ ଡଗରାସାହି ଲେବଲକ୍ରସିଂରେ ଗୋଟିଏ ବଗି ଲାଇନଚ୍ୟୁତ। ଟ୍ରେନ୍ରେ ଥିବା ସବୁ ଯାତ୍ରୀ ସୁରକ୍ଷା ଅଛନ୍ତି। ବର୍ତ୍ତମାନ ଉଦ୍ଧାର କାର୍ଯ୍ୟ ଚାଲିଛି।
ଜନଶତାଦ୍ଦୀ ଏକ୍ସପ୍ରେସ୍ ନିର୍ଦ୍ଧାରିତ ସମୟରେ ହାୱଡାରୁ ଛାଡ଼ିଥିଲା। ତେବେ ଭଦ୍ରକ ଷ୍ଟେସନ୍ ଭିତରେ ପଶିବା ପୂର୍ବରୁ ଟ୍ରେନ୍ଟି ଗୋଟିଏ ଷଣ୍ଢକୁ ଧକ୍କା ଦେଇଥିଲା। ଫଳରେ ଗୋଟିଏ ବଗି ଲାଇନ୍ଚ୍ୟୁତ ହୋଇଯାଇଥିଲା। ଦୁର୍ଘଟଣା ପରେ ଯାତ୍ରୀଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି। ସେହି ଟ୍ରାକ୍ରେ ବର୍ତ୍ତମାନ ଯାତାୟତ ଠପ୍ ହୋଇଯାଇଛି।
ଭୁବନେଶ୍ୱର-ହାୱଡା ଟ୍ରାକ୍ ସବୁବେଳେ ବ୍ୟସ୍ତବହୁଳ। ସନ୍ଧ୍ୟା ପରଠାରୁ ବହୁ ଏକ୍ସପ୍ରେସ୍ ଭଦ୍ରକ ଷ୍ଟେସନ୍ ଦେଇ ଯିବାଆସିବା କରିଥାଏ। ହେଲେ ଜନଶତାବ୍ଦୀ ଲାଇନ୍ଚ୍ୟୁତ ପରେ ସେହି ଟ୍ରାକ୍ ଦେଇ କୌଣସି ଗାଡ଼ି ଯିବାଆସିବା କରିପାରୁନାହିଁ। ଅନ୍ୟପକ୍ଷରେ ଧୀରେ ଧୀରେ ସଞ୍ଜ ନଇଁ ଆସୁଥିବାରୁ ଉଦ୍ଧାର ଓ ମରାମତି କାମରେ ବିଳମ୍ୱ ହେଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
