ଭୁବନେଶ୍ୱର(ଓଡ଼ିଶା ରିପୋର୍ଟର): ତାମିଲନାଡୁର ପୂର୍ବତନ ପୁଲିସ ଡିଜି ଜଳଦ କୁମାର ତ୍ରିପାଠୀ ଆଜି ରାଜ୍ୟ ମୁଖ୍ୟ ସୂଚନା ଆୟୁକ୍ତ ଭାବେ ପଦ ଓ ଗୋପନୀୟତାର ଶପଥ ପାଠ କରିଛନ୍ତି। ରାଜଭବନର ଅଭିଷେକ ହଲଠାରେ ରାଜ୍ୟପାଳ ପ୍ରଫେସର ଗଣେଶୀଲାଲ ତାଙ୍କୁ ଓଡ଼ିଆରେ ଶପଥ ପାଠ କରାଇଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମୋଡରେ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ। ଏହି ଶପଥ ଗ୍ରହଣ ସମାରୋହରେ ଶ୍ରୀ ତ୍ରିପାଠୀଙ୍କ ପରିବାର ସଦସ୍ୟଙ୍କ ସମେତ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
https://twitter.com/GovernorOdisha/status/1445268563468505088?s=20
ଗତ ମାସରେ ରାଜ୍ୟ ସରକାର ଶ୍ରୀ ତ୍ରିପାଠୀଙ୍କୁ ଏହି ପଦବୀ ପାଇଁ ଚୟନ କରିଥିଲେ । ୨୦୨୧ ଜୁନ୍ ୩୦ତାରିଖରେ ଶ୍ରୀ ତ୍ରିପାଠୀ ପୁଲିସ ଡିଜି ପଦରୁ ଅବସର ନେଇଥିଲେ। ସୁନୀଲ କୁମାର ମିଶ୍ର ୨୦୨୧ ଅଗଷ୍ଟ ୧୫ତାରିଖରେ ଅବସର ନେବାପରେ ରାଜ୍ୟ ମୁଖ୍ୟ ସୂଚନା ଆୟୁକ୍ତ ପଦବୀ ଖାଲି ପଡ଼ିଥିଲା । ଆଜି ଶପଥ ନେଇଥିବା ଶ୍ରୀ ତ୍ରିପାଠୀ ଖୁବଶୀଘ୍ର ଏହି ଦାୟିତ୍ୱ ସମ୍ଭାଳିବା ବୋଲି ଜଣାପଡ଼ିଛି । ଏବେ ସୂଚନା କମିଶନରେ ସଦସ୍ୟ ଭାବେ ବାଳକୃଷ୍ଣ ମହାପାତ୍ର, ବିକ୍ରମ କୁମାର ସେନାପତି, ଦିଲ୍ଲୀପ କୁମାର ବିଶୋୟୀ ଓ ସଞ୍ଜୟ କେଶରୀ ସ୍ୱାଇଁ ରହିଛନ୍ତି।