ଶ୍ରୀଭୂମି କନଷ୍ଟ୍ରକସନ ଚିଟଫଣ୍ଡ୍ ମାମଲା: ନିର୍ଦ୍ଦେଶକ ଶୁଭ୍ରାଂଶୁ ସିଂ ଗିରଫ

ଭୁବନେଶ୍ୱର: ଚିଟଫଣ୍ଡ କମ୍ପାନୀ ଶ୍ରୀଭୂମି କନଷ୍ଟ୍ରକସନର ନିର୍ଦ୍ଦେଶକ ଶୁଭ୍ରାଂଶୁ ସିଂ ଗିରଫ ହୋଇଛନ୍ତି। ଭୁବନେଶ୍ୱରରୁ କ୍ରାଇମବ୍ରାଞ୍ଚ ଅର୍ଥନୈତିକ ଅପରାଧ ଶାଖା ତାଙ୍କୁ ଗିରଫ କରିଛି। ସଂସ୍ଥା ବିରୋଧରେ ପ୍ରାୟ ୫୦ କୋଟି ଟଙ୍କ।ର ଠକେଇ ଅଭିଯୋଗ ରହିଛି। ରାଜ୍ୟର ବିଭିନ୍ନ ସ୍ଥାନରେ ଜମାକାରୀଙ୍କୁ ଅଧିକ ସୁଧ ପ୍ରଦାନ ସହ ଲୋଭନୀୟ ସ୍କିମ ଜରିଆରେ ଅର୍ଥ ଆଦାୟ କରିଥିଲା କମ୍ପାନୀ। ତେବେ ଜମା ସଂଗ୍ରହ କରିବାର କିଛି ମାସ ପରେ ଅର୍ଥାତ୍ ୨୦୧୨ ମସିହାରେ ସଂସ୍ଥା ହଠାତ୍ ଉଭାନ ହୋଇଯାଇଥିବା ଜମାକାରୀ ଅଭିଯୋଗ କରିଥିଲେ। ଏନେଇ ଅର୍ଥନୈତିକ ଅପରାଧ ଶାଖାରେ ଜମାକାରୀ ଅଭିଯୋଗ କରିବା ପରେ କମ୍ପାନୀ ମୁଖ୍ୟଙ୍କୁ ଖୋଜୁଥିଲା ଇଓଡବ୍ଲୁ। ଗତକାଲି ରାତିରେ ସଂସ୍ଥା ଉପରେ ଚଡଉ କରି ନିର୍ଦ୍ଦେଶକଙ୍କୁ ଗିରଫ କରାଯାଇଛି। ଆଜି ତାଙ୍କୁ କୋର୍ଟ ଚାଲାଣ କରାଯିବ।