ଏଥର କୁଇଣ୍ଟାଲେ ଓଜନର ରୁପା ପ୍ରଭାରେ ଝଲସିବେ ଯୁଗଳମୂର୍ତ୍ତି, ଦେଖନ୍ତୁ ଭିଡିଓ

<p>ସମ୍ୱଲପୁର(ସଞ୍ଜୟ ଜେନା): ସମ୍ୱଲପୁରର ପ୍ରସିଦ୍ଧ ପର୍ବ ଶୀତଳ ଷଷ୍ଠୀ ଯାତ୍ରା ପାଇଁ&nbsp; ଆରମ୍ଭ ହୋଇଗଲାଣି ପ୍ରସ୍ତୁତି। ମୂର୍ତ୍ତି ଓ ପ୍ରଭା ତିଆରି କାମ ସାଙ୍ଗକୁ ସବୁ କାମ ଜୋର ସୋରରେ ଆରମ୍ଭ ହୋଇଗଲାଣି। ସବୁ ବର୍ଷ&nbsp; ଭଳି ଏଥର ଶୀତଳଷଷ୍ଠୀକୁ ଆକର୍ଷଣୀୟ କରିବା ପାଇଁ &nbsp;ସବୁ ପଡାବାସୀ &nbsp;ଦିନ ରାତି ଏକ କରିଦେଇଛନ୍ତି। ତେବେ ଏଥର ଝାଡୁଆପଡାର ରୁପା ତାରକସିରେ ତିଆରି ପ୍ରଭା ଅନ୍ୟତମ ଆକର୍ଷଣ ସାଜିବ। ଏବେ ଶୀତଳଷଷ୍ଠୀ ପାଇଁ ଶିଳ୍ପୀ ନିମଗ୍ନ । ବିଭିନ୍ନ ପ୍ରତିକୃତିକୁ ବାସ୍ତବ ରୁପ ଦେବାରେ ସଭିଏଁ ବ୍ୟସ୍ତ।</p><p>&lt;a href=&quot;&quot;&gt;(image) &lt;/a&gt;</p><p>ନିର୍ଦ୍ଧାରିତ ସମୟ ପୂବୂର୍ରୁ କାମ ସାରିବାକୁ ପଡିବ। &nbsp;ତେଣୁ ଏବେଠୁ ଉତ୍ସବ ମୁଖର ସମ୍ବଲପୁର। ଏଥର ଝାଡୁଆପଡା ଶୀତଳ ଷଷ୍ଠୀ ଯାତ୍ରୀ କମିଟି ପକ୍ଷରୁ ବେଟୀ ବଚାଓ ଭଳି ସାମାଜିକ ବାର୍ତ୍ତା ସହ ପଶୁ ପକ୍ଷୀ ଓ ମନୋରଂଜନ ଧର୍ମୀ ବିଷୟ ବସ୍ତୁକୁ ନେଇ ନେଇ ତିଆରି ଚାଲିଛି ପ୍ରତିକୃତି। ତେବେ ଏଥର ଝାଡୁଆପଡା ଶୀତଳ ଷଷ୍ଠୀ ଯାତ୍ରାର ପ୍ରମୁଖ ଆକର୍ଷଣ ସାଜିବ ରୁପା ପ୍ରଭା। ପ୍ରାୟ ୧ କ୍ୱିଣ୍ଟାଲରୁ ଊର୍ଦ୍ଧ୍ୱ ଓଜନର ରୁପାରେ କଟକର ତାରକସି କାମ କରୁଛନ୍ତି କାରିଗର। ଦିନେ ଦୁଇ ଦିନ ମଧ୍ୟରେ ତାହା ଆସି ସମ୍ୱଲପୁରରେ ପହଞ୍ଚିବ। ମୁଖ୍ୟତଃ ପବିତ୍ର ଅକ୍ଷୟ ତୃତୀୟା ଦିନ ଶୀତଳ ଷଷ୍ଠୀର ଆଦ୍ୟ ପ୍ରସ୍ତୁତିଥାଳ ଉଠା ସମ୍ପନ୍ନ&nbsp; ହେବା ପରେ ସେବେଠାରୁ ଆରମ୍ଭ ହୋଇଯାଇଥାଏ ପ୍ରସ୍ତୁତି ।</p><p>&lt;a href=&quot;http://odishareporter.in/wp-content/uploads/2018/06/f-777.jpg&quot;&gt;(image) &lt;/a&gt;</p><p>ବିବାହ ସମୟ ପାଖେଇ ଆସିବା ସହ ପ୍ରସ୍ତୁତି ମଧ୍ୟ ଜୋର ଧରେ। ବିବାହ ଓ ଯୁଗଳ ଦର୍ଶନ ଶୋଭାଯାତ୍ରା କିପରି ଠିକ୍&zwnj; ଭାବେ ହେବ ଓ ଶ୍ରଦ୍ଧାଳୁମାନଙ୍କୁ ବାନ୍ଧି ରଖିପାରିବ ତାରି ଉପରେ ଗୁରୁତ୍ୱ ଦେଇଥାନ୍ତି ସବୁ ପୂଜା କମିଟି। ତେବେ ପ୍ରଜ୍ଞାପନ ମେଢ ପ୍ରମୁଖ ଆକର୍ଷଣ ସାଜୁଥିବାରୁ ସବୁ ପୂଜା କମିଟି ସବୁ ବର୍ଷ ନୂଆ ନୂଆ ବିଷୟ ବସ୍ତୁକୁ ନେଇ ମେଢର ପରିକଳ୍ପନା କରିଥାନ୍ତି। ଏହା ଲୋକମାନଙ୍କ ପାଇଁ ମନୋରଂଜନର ଖୋରାକ ଯୋଗାଇବା ସହ ସଚେତନତା ମଧ୍ୟ ସୃଷ୍ଟି କରିଥାଏ। ସବୁ ବର୍ଷ ଭଳି ଏଥର ନନ୍ଦପଡା ଯାତ୍ରା କମିଟି ପକ୍ଷରୁ ଆକର୍ଷଣୀୟ ପ୍ରଭା ତିଆରି ଚାଲିଛି। ସୋଲରେ ବିଭିନ୍ନ ଦେବାଦେବୀଙ୍କ ପ୍ରଭା ତିଆରି କାମ ଚାଲିଛି। ରଙ୍ଗ କାମ ସରିବା ପରେ, ଖୁବ ଆକର୍ଷଣୀୟ ଦିଶିବ ଏହି ପରଭା। ଏଥର ଯୋଡା ଜ୍ୟେଷ୍ଠ ପଡୁଥିବାରୁ ବିଳମ୍ୱରେ ହେଉଛି ଶୀତଳ ଷଷ୍ଠୀ। ଆସନ୍ତା ୧୭ ତାରିଖରେ ହେବ ଶିବ ବିବାହ।</p><p>https://youtu.be/h1L7b93ZxCs</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।