କଟକ(ଓଡ଼ିଶା ରିପୋର୍ଟର): ଟଙ୍କା ଫେରି ପାଇବେ ରୋଜଭ୍ୟାଲି ଚିଟ୍ଫଣ୍ଡ୍ ସଂସ୍ଥାର ଜମାକାରୀ। ଟଙ୍କା ଫେରାଇବା ପାଇଁ ରାଜ୍ୟ ସରକାରଙ୍କୁ କଟକର ସ୍ୱତନ୍ତ୍ର ଚିଟ୍ଫଣ୍ଡ୍ ଅଦାଲତ ନିର୍ଦ୍ଦେଶ ଦେଇଛନ୍ତି। ମୋଟ ୨ ଲକ୍ଷ ୩୮ ହଜାର ୪୭୭ ଜଣ କ୍ଷୁଦ୍ର ଜମାକାରୀଙ୍କୁ ୯୨ କୋଟି ୮ ଲକ୍ଷ ୯୬ ହଜାର ୯୮୨ ଟଙ୍କା ଫେରାଇବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ।
ଆର୍ଆଇ ଓ ପଞ୍ଚାୟତ ସ୍ତରରେ ପୂର୍ବରୁ ଚିହ୍ନଟ ହୋଇଥିବା ଜମାକାରୀଙ୍କୁ ଟଙ୍କା ଫେରସ୍ତ ଦିଆଯିବ। ସମସ୍ତ ଟଙ୍କା ଅନ୍ଲାଇନ୍ ଯୋଗେ ଟଙ୍କା ଜମାକାରୀଙ୍କ ଆକାଉଣ୍ଟରେ ଜମା ହେବ। ଯେଉଁ ଜମାକାରୀ ୭ ହଜାର କିମ୍ବା ତା’ଠାରୁ କମ୍ ଟଙ୍କା ଜମା କରିଥିଲେ, ସେମାନଙ୍କୁ ସଂପୂର୍ଣ୍ଣ ଟଙ୍କା ଫେରସ୍ତ ମିଳିବ।
ସେହିପରି ଯେଉଁମାନେ ୧୦ ହଜାର ପର୍ଯ୍ୟନ୍ତ ଟଙ୍କା ଜମା କରିଥିଲେ, ସେମାନଙ୍କୁ ୭ ହଜାର ଟଙ୍କା ଫେରସ୍ତ ମିଳିବ ଓ ସେମାନେ ବଳକା ଟଙ୍କାର ୫୨ ପ୍ରତିଶତ ଫେରସ୍ତ ପାଇବେ। ରୋଜଭ୍ୟାଲି କମ୍ପାନୀର ବ୍ୟାଜ୍ୟାପ୍ତ ସଂପତ୍ତିର ବିକ୍ରିଲବ୍ଧ ଅର୍ଥରୁ ଏହି ଜମାଟଙ୍କା ଫେରସ୍ତ ଦିଆଯିବ। ଗତ ୨୧୫ରେ ରୋଜଭ୍ୟାଲିର ସଂପତ୍ତି ବ୍ୟାଜ୍ୟାପ୍ତି ପାଇଁ ନିର୍ଦ୍ଦେଶ ଦେଇଥିଲେ କୋର୍ଟ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
