ଚୁଲି ଭିତରେ ନାଗ ସାପ

ପିପିଲି(ଓଡ଼ିଶା ରିପୋର୍ଟର): ପିପିଲିର ମଙ୍ଗଳପୁର ନିକଟସ୍ଥ ଉତରବାଡ଼ ଗାଁର କୈଳାସଚନ୍ଦ୍ର ପରିଡ଼ାଙ୍କ ଘରୁ ଏକ ତିନି ଫୁଟ୍‌ ଲମ୍ବର ନାଗ ସାପ ଉଦ୍ଧାର କରାଯାଇଛି। ସାପଟି ତାଙ୍କ ରୋଷେଇ ଘରେ ଚୁଲି ଭିତରେ ପଶି ଯାଇଥିଲା।

ଗତକାଲି ସନ୍ଧ୍ୟା ବେଳେ ରୋଷେଇ କରିବାକୁ ଯିବା ବେଳେ ପରିବାର ଲୋକେ ସାପଟିକୁ ଦେଖିଥିଲେ। ଏନେଇ ସ୍ନେକ୍ ହେଲ୍ପ ଲାଇନ୍‌କୁ ଖବର ଦିଆଯାଇଥିଲା।

ସ୍ନେକ୍‌ ହେଲ୍ପ ଲାଇନ୍‌ ସଦସ୍ୟ ସୁଶାନ୍ତ ବେହେରା ସେଠାରେ ପହଞ୍ଚି ସାପଟିକୁ ଉଦ୍ଧାର କରିଥିଲେ। ସାପଟିକୁ ପରେ ଜଙ୍ଗଲରେ ଛାଡ଼ି ଦିଆଯାଇଥିଲା।