ଘରଚଟିଆଙ୍କ ଘର ଚିନ୍ତା: ବୁଲିବୁଲି କୃତ୍ରିମ ଘର ବାଣ୍ଟୁଛନ୍ତି ଏହି ଗାଁର ଯୁବକ

<p>ବ୍ରହ୍ମପୁର(ଜଗନ୍ନାଥ ସାହୁ): ହଜିବାକୁ ବସିଲେଣି ଘରଚଟିଆ। ଏବେ କାଁଭାଁ ଶୁଭୁଚି କିଚିରି ମିଚିରି ଡାକ। ଚାଳ ଘର କମିବା ସହ ଖାଦ୍ୟ ଓ ବାସସ୍ଥଳୀ ଅଭାବରୁ ଏବେ ଦେଖିବାକୁ ମିଳୁନାହାନ୍ତି ଏହି କୁନିକୁନି ପକ୍ଷୀ। ହେଲେ ଏହାର ସଂରକ୍ଷଣ ପାଇଁ ପ୍ରୟାସ ଆରମ୍ଭ କରିଛନ୍ତି ଗଞ୍ଜାମ ଜିଲ୍ଲା ବ୍ରହ୍ମପୁର ଉପକଣ୍ଠ ଗୁଣ୍ଠବନ୍ଧର କିଛି ଉଦ୍ୟମୀ ଯୁବକ।</p> <p>ଆଞ୍ଚଳିକ ବିକାଶ ପରିଷଦର ଏହି ପକ୍ଷୀପ୍ରେମୀ ଯୁବକମାନେ ଘରଚଟିଆ ସଂଖ୍ୟା ବୃଦ୍ଧି ପାଇଁ ଗାଁ ଓ ବ୍ରହ୍ମପୁର ସହରରେ ଇଚ୍ଛୁକ ଲୋକଙ୍କୁ କୃତ୍ରିମ ପକ୍ଷୀଘର ଯୋଗାଇ ଦେଉଛନ୍ତି। ଯାହାର ସୁଫଳ ଧୀରେ ଦେଖିବାକୁ ମିଳୁଛି। ଏହି ଯୁବକମାନଙ୍କ ପାଇଁ ଆଖପାଖ ଗାଁରେ ପୁଣି ବଢ଼ିଲାଣି ଘରଚଟିଆ ସଂଖ୍ୟା।&lt;a href=&quot;&quot;&gt;(image) &lt;/a&gt;</p> <p>ଘରଚଟିଆ ବଂଶବୃଦ୍ଧି ପାଇଁ ଏହି ଯୁବକମାନେ ଗାଁ ଲୋକଙ୍କୁ ପ୍ରବର୍ତ୍ତାଇବା ସହ ଘରଚଟିଆଙ୍କ ରହିବା ପାଇଁ ପ୍ଲାଷ୍ଟିକ୍ ଓ କାଠରେ ତିଆରି ବସା, ମାଟିହାଣ୍ଡି, ଲାଉ ତୁମ୍ବା ଆଦି ଯୋଗାଇ ଦେଉଛନ୍ତି। ଏଥିସହ ଘରଚଟିଆଙ୍କ ଖାଇବା ପାଇଁ ଫିଡର୍ ଓ ପାଣି ପାଇଁ ମାଠିଆର ବ୍ୟବସ୍ଥା କରାଯାଇଛି। ଫଳରେ ବାଘଝରି, ବିରିବାଡ଼ିଆ, ଲାଞ୍ଜିଆ, ବାଳକୃଷ୍ଣପୁର ଓ ଗୁଣ୍ଠବନ୍ଧ ଆଦି ଗାଁ ସହିତ ବ୍ରହ୍ମପୁର ସହରର ଧର୍ମନଗର ଓ ଗେଟ୍ ବଜାରରେ ବଢ଼ିବାରେ ଲାଗିଛି ଘରଚଟିଆ ସଂଖ୍ୟା।</p> <p>https://www.youtube.com/watch?v=4Fu2ZAbSCq4</p>