କଟକ (ଓଡ଼ିଶା ରିପୋର୍ଟର): ଚିଟ୍ଫଣ୍ଡ ସଂସ୍ଥା ଓଡ଼ିଶା ହୋମ୍ସ ପ୍ରାଇଭେଟ୍ ଲିମିଟେଡ୍ର ସମ୍ପତ୍ତି ବ୍ୟାଜପ୍ତି ପାଇଁ ନିର୍ଦ୍ଦେଶ। ସଂସ୍ଥାର ୧୮ ଏକର ଜମି ଓ ୮ ଲକ୍ଷ ୮୭ ହଜାର ଟଙ୍କାର ବ୍ୟାଙ୍କ ଜମା ବ୍ୟାଜପ୍ତି ପାଇଁ କଟକ ସ୍ୱତନ୍ତ୍ର ଚିଟଫଣ୍ଡ କୋର୍ଟ ନିର୍ଦ୍ଦେଶ ଦେଇଛନ୍ତି।
ଜଟଣୀ ଅଞ୍ଚଳରେ ସୁଲଭ ମୂଲ୍ୟରେ ଫ୍ଲାଟ୍ ଯୋଗାଇଦେବା ନାଁରେ ଓଡ଼ିଶା ହୋମ୍ସ ପ୍ରାଇଭେଟ୍ ଲିମିଟେଡ୍ ୧୫୩ ଜଣ ସାଧାରଣ ଜମାକାରୀଙ୍କଠାରୁ ୭ କୋଟି ୫୪ ଲକ୍ଷ ୩୯ ହଜାର ୫୬୮ଟଙ୍କା ଆଦାୟ କରିଥିଲା। ଫ୍ଲାଟ୍ ନ ମିଳିବାରୁ ଏକାଧିକ ଜମାକାରୀ କ୍ରାଇମ୍ବ୍ରାଞ୍ଚର Eow ର ଦ୍ୱାରସ୍ଥ ହୋଇଥିଲେ। ମାମଲାର ତଦନ୍ତ କରି ସଂସ୍ଥାର ଖୋର୍ଦ୍ଧା ଜିଲ୍ଲାରେ ଥିବା ୧୮ ଏକର ୩୦ ଡିସିମିଲ ଜମି ଓ ୯ଟି ବ୍ୟାଙ୍କରେ ଥିବା ପ୍ରାୟ ୯ଲକ୍ଷ ଟଙ୍କାର ଜମା ରାଶି ଜବତ କରାଯାଇଥିଲା। ଏସବୁ ସମ୍ପତ୍ତି ବ୍ୟାଜପ୍ତି କରି ବିକ୍ରି ଲବ୍ଧ ଟଙ୍କା ଜମାକାରୀଙ୍କ ମଧ୍ୟରେ ବାଣ୍ଟିଦେବାକୁ କୋର୍ଟ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
