ସ୍ୱତନ୍ତ୍ର ସଚିବ ଅଜୟ ଦାସଙ୍କୁ ଗିରଫ କଲା ଭିଜିଲାନ୍ସ

ଭୁବନେଶ୍ୱର(ଓଡ଼ିଶା ରିପୋର୍ଟର): ଆୟବର୍ହିଭୁତ ସମ୍ପତ୍ତି ଠୁଳ କରିବା ଅଭିଯୋଗରେ ରାଜସ୍ୱ ଓ ବିପର୍ଯ୍ୟୟ ପ୍ରଶମନ ବିଭାଗର ସ୍ୱତନ୍ତ୍ର ସଚିବ ଅଜୟ ଦାସଙ୍କୁ ଭିଜିଲାନ୍ସ ଆଜି ଗିରଫ କରିଛି। ଶ୍ରୀ ଦାସ ଆଉ ୨ମାସ ପରେ ସରକାରୀ ଚାକିରିରୁ ଅବସର ନେଇଥାନ୍ତେ, ମାତ୍ର ତା’ପୂର୍ବରୁ ତାଙ୍କୁ ଭିଜିଲାନ୍ସ ଗିରଫ କରିଛି।

ମିଳିଥିବା ସୂଚନା ଅନୁସାରେ, ଭିଜିଲାନ୍ସ ଟିମ୍ ଗତକାଲି ତାଙ୍କର ଭୁବନେଶ୍ୱର ଓ ବାଲେଶ୍ୱରସ୍ଥିତ ଘରଗୁଡ଼ିକ ଉପରେ ଚଢ଼ଉ କରି ମୋଟ ୩କୋଟି ଟଙ୍କାର ସମ୍ପତ୍ତି ଠାବ କରିଛି। ଭୁବନେଶ୍ୱରର ଟଙ୍କପାଣି ରୋଡରେ ଥିବା ତାଙ୍କ ଘର, ପଟିଆରେ ୨ଟି ଫ୍ଲାଟ, ଶିଶୁପାଳଗଡ଼ରେ ଗୋଟିଏ ପ୍ଲଟ୍ ସହ ଆଉଟହାଉସ୍ ଏବଂ ବାଲେଶ୍ୱରରେ କୋଠା ଓ ପ୍ଲଟ୍ ଜବତ କରିଛି। ଏହାସହିତ ତାଙ୍କ ପାଖରେ ବିର୍ଲାସନ୍ ଲାଇଫର ୬୫ଲକ୍ଷ ଟଙ୍କାର ବଣ୍ଡ ଓ ଏଲଆଇସିର ୮ଲକ୍ଷ ଟଙ୍କାର ବଣ୍ଡ ରହିଥିଲା। ଏତେ ପରିମାଣର ଆୟବର୍ହିଭୁତ୍ ସମ୍ପତ୍ତି ଠୁଳ କରିବା ଅଭିଯୋଗରେ ଭିଜିଲାନ୍ସ ତାଙ୍କୁ ଗିରଫ କରିବା ପରେ ସ୍ୱତନ୍ତ୍ର ଭିଜିଲାନ୍ସ କୋର୍ଟ ଜଜଙ୍କ ପାଖରେ ହାଜର କରିବ ବୋଲି ସୂଚନା ମିଳିଛି।

ଆହୁରି ପଢ଼ନ୍ତୁ