ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): “‘ତୁ ଥା ମୁଁ ଯାଉଛି ରୁଷି’ ଫିଲ୍ମରେ ଚିଟ୍‌ଫଣ୍ଡ ଟଙ୍କା ଲାଗିଥିବା ଜାଣିନଥିଲି। ରିଲିଜ୍ ପରେ ପ୍ରଯୋଜକ ଗିରଫ ହୋଇଗଲେ। ପରେ ଗିରଫ ହୋଇ ବେଲ୍‌ରେ ଆସିଲେ। ତା’ପରେ ଫେରାର ହୋଇଗଲେ। ଏବେ ଜଣାପଡ଼ିବା ପରେ ମୁଁ ଟଙ୍କା ଫେରାଇଦେବି। ଯଦି ମୋ ପାଖକୁ କୌଣସି ଟଙ୍କା ଆସିଥିବ, ମୁଁ ନିଶ୍ଚିତ ଫେରାଇବି। ଏପରିକି ମୋ’ ପାରିଶ୍ରମିକ ବାବଦକୁ ଆସିଥିବା ଟଙ୍କା ମଧ୍ୟ ଫେରାଇଦେବି।” ୬ ଘଣ୍ଟାର ମାରାଥନ୍‌ ଜେରା ପରେ ଇଡି କାର୍ଯ୍ୟାଳୟରୁ ବାହାରିବା ପରେ ଏହା କହିଛନ୍ତି ‘ତୁ ଥା ମୁଁ ଯାଉଛି ରୁଷି’ ଫିଲ୍ମର ନିର୍ଦ୍ଦେଶକ ଶ୍ରୀତମ ଦାସ।</p> <p>ଷ୍ଟାର୍ କନସଲଟାନ୍ସି ଚିଟ୍‌ଫଣ୍ଡ ସଂସ୍ଥା ସହିତ ଲିଙ୍କ୍ ନେଇ ଓଲିଉଡ ଷ୍ଟାର ଶ୍ରୀତମ ଦାସଙ୍କୁ ଆଜି ଇଡି ଜେରା କରିଥିଲା। ମନିଟ୍ରେଲ୍‌କୁ ନେଇ ତାଙ୍କୁ ଘନ ଘନ ଜେରା କରାଯାଇଥିଲା। ଷ୍ଟାର୍ କନସଲ୍‌ଷ୍ଟାନ୍ସି ପ୍ରାଇଭେଟ ଲିମିଟେଡ୍‌ ଚିଟ୍‌ପଣ୍ଡ ସଂସ୍ଥା ଟଙ୍କାରେ ଓଲିଉଡ ମୁଭି ‘ତୁ ଥା ମୁଁ ଯାଉଛି ରୁଷି’ ନିର୍ମିତ ହୋଇଥିବା ଅଭିଯୋଗ ହୋଇଛି। ଶ୍ରୀତମ ଏହି ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ଏଥିରେ ଅଭିନୟ ମଧ୍ୟ କରିଥିଲେ। ତେଣୁ ଇଡି ତାଙ୍କୁ ୬ ଘଣ୍ଟା ଧରି ଜେରା କରିଥିଲା। ଶହେରୁ ଅଧିକ ପ୍ରଶ୍ନ ପଚାରିଥିବା ଜଣାପଡ଼ିଛି।</p> <p>ଚିଟ୍‌ଫଣ୍ଡ ଅର୍ଥରେ ଏହି ଫିଲ୍ମ ତିଆରି ହୋଇଥିବାରୁ ଶ୍ରୀତମକୁ ଜେରା କରାଯାଇଛି। ଫିଲ୍ମ ନିର୍ମାଣରେ କେତେ ଅର୍ଥ ବିନିଯୋଗ ହୋଇଛି? ଫରେନ ଟ୍ରିପରେ ଚିଟ୍‌ଫଣ୍ଡ ଅର୍ଥ କେତେ ଉଡ଼ିଛି? ଫିଲ୍ମର ଅନ୍ୟ କଳାକାରଙ୍କୁ କେତେ ଟଙ୍କା ଦିଆଯାଇଛି? ଫିଲ୍ମ କେତେ ଲାଭ କରିଥିଲା? କାହା ପାଖକୁ କେତେ ଟଙ୍କା ଯାଇଛି? ଶ୍ରୀତମ ଷ୍ଟାର୍ କନ୍‌ସଲ୍‌ଷ୍ଟାନ୍ସି ମୁଖ୍ୟ ତ୍ରିବେଣୀ ମହାନ୍ତିଙ୍କଠାରୁ ଲାଭ ପାଇଛନ୍ତି କି? ଏମିତି ଅନେକ ପ୍ରଶ୍ନ ପଚାରିଛି ଇଡି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
