ବାରିପଦା(ଓଡ଼ିଶା ରିପୋର୍ଟର):ଟିଉସନ ଆସ ନଚେତ୍ ପରୀକ୍ଷା ରେ ଫେଲ୍ କରିଦେବି । ଆଜି ଗୁରୁଦିବସ ଅବସରରେ ଜଣେ ଅଧ୍ୟାପକଙ୍କ ନାମରେ ଆସିଛି ଏମିତି ସଙ୍ଗୀନ୍ ଅଭିଯୋଗ । ବାରିପଦାସ୍ଥିତ ମହିଳା ମହାବିଦ୍ୟାଳୟର ଛାତ୍ରୀମାନେ ଏମିତି ଅଭିଯୋଗ ଆଣିଛନ୍ତି। କଲେଜ ର ଯୁକ୍ତ ୩ ଶ୍ରେଣୀର ଛାତ୍ରୀମାନେ କଲେଜର କମ୍ପ୍ୟୁଟର ସାଇନ୍ସ ବିଭାଗରେ ନୂତନ କରି ଯୋଗ ଦେଇଥିବା ଜଣେ ଅତିଥି ଅଧ୍ୟାପକଙ୍କ ନାମ ରେ ଏହିଭଳି ଅଭିଯୋଗ କରିଛନ୍ତି ।
ଏନେଇ ଆଜି ଛାତ୍ରୀମାନଙ୍କ ମଧ୍ୟରେ ଅସନ୍ତୋଷ ଦେଖାଦେବା ସହ କଲେଜ ପରିସରରେ ସାମାନ୍ୟ ଉତ୍ତେଜନା ଦେଖା ଦେଇଥିଲା । ଛାତ୍ରୀଙ୍କ ଅବିଭାବକମାନେ କଲେଜ ଅଧ୍ୟକ୍ଷଙ୍କୁ ଭେଟି ଅଧ୍ୟାପକଙ୍କ ନାମରେ ଲିଖିତ ଅଭିଯୋଗ କରିଛନ୍ତି ।
ତେବେ ଅଧ୍ୟକ୍ଷ ଏନେଇ କହିଛନ୍ତି କଲେଜରେ କମିଟି ଗଠନ କରି ବିଧିବଦ୍ଧ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଗତ ଅଗଷ୍ଟରେ ଯୋଗ ଦେଇଥିବା କମ୍ପ୍ୟୁଟର ଅଧ୍ୟାପକ ପୂର୍ବରୁ ମଧ୍ୟ ଅନ୍ୟ ଏକ କଲେଜରେ ବିବାଦରେ ଛନ୍ଦି ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
