ମତେ ଏକୁଟିଆ କ୍ଲାସ୍‌ରୁମ୍‌କୁ ଡାକିନେଲେ… ତା ପରେ କବାଟ ବନ୍ଦ କରି…

<p>ଆଠଗଡ଼ (ଓଡ଼ିଶା ରିପୋର୍ଟର): ଶିକ୍ଷାନୁଷ୍ଠାନ ହେଉଛି ଏକ ମନ୍ଦିର। ଏଥିରେ ଲାଗିଛି କଳଙ୍କ। ପାଠ ପଢ଼ିବା ବୟସରେ ଜଣେ ଛାତ୍ରୀଙ୍କୁ ଏକୁଟିଆ କ୍ଲାସ୍&zwnj; ରୁମ୍&zwnj;କୁ ଡାକି ଅସଦାଚରଣ କରିଛନ୍ତି ଦୁଇ ଛାତ୍ର। ଏପରି କଳଙ୍କିତ ଘଟଣା ଘଟିଛି କଟକ ଜିଲ୍ଲା ଗୁରୁଡ଼ିଝାଟିଆ ଥାନା ଅନ୍ତର୍ଗତ ଶ୍ରୀଶ୍ରୀ ଧବଳେଶ୍ୱର ମହାବିଦ୍ୟାଳୟରେ। ଅଭିଯୋଗକୁ ଭିତ୍ତି କରି ସଂପୃକ୍ତ ଦୁଇ ଛାତ୍ରଙ୍କୁ ପୋଲିସ୍ ଅଟକ ରଖି ତଦନ୍ତ ଆରମ୍ଭ କରିଛି।</p> <p>ଅସଦାଚରଣର ଶିକାର ହୋଇଥିବା ଛାତ୍ରୀଙ୍କୁ ଜଣେ ଛାତ୍ର ପ୍ରଥମେ କ୍ଲାସ ରୁମକୁ ଏକୁଟିଆ ଡାକିଥିଲା। ବିଶ୍ୱାସ କରି ଛାତ୍ରୀ ଜଣକ ସେଠାକୁ ଗଲା ପରେ, ଛାତ୍ର ଜଣକ ତା&rsquo;ର ଅନ୍ୟ ଜଣେ ସାଙ୍ଗକୁ ଡାକି ହଠାତ୍ କବାଟ ବନ୍ଦ କରିଦେଲା ଓ ଦୁହେଁ ମିଶି ଛାତ୍ରୀଙ୍କୁ ଅସଦାଚରଣ କରିଥିଲେ। ଏପରିକି ଛାତ୍ରଦ୍ୱୟ ଝିଅଟିକୁ ଅଭଦ୍ର ଭାଷାରେ ଗାଳି ମଧ୍ୟ ଦେଇଥିଲେ। ଏ ସମ୍ପର୍କରେ ଛାତ୍ରୀ ଜଣକ କଲେଜ ଅଧ୍ୟକ୍ଷଙ୍କ ପାଖରେ ଅଭିଯୋଗ କରିଥିଲେ। କଲେଜ ଅଧ୍ୟକ୍ଷଙ୍କ ଅଭିଯୋଗ କ୍ରମେ ପୋଲିସ ଦୁଇ ଛାତ୍ରଙ୍କୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି। ତେବେ ଛାତ୍ରୀଙ୍କୁ ଏକୁଟିଆ କ୍ଲାସ୍&zwnj;ରୁମ୍&zwnj;କୁ ଡାକି ଏପରି ବ୍ୟବହାର କରିବା ପଛରେ ଛାତ୍ର ଦ୍ୱୟଙ୍କ ଉଦ୍ଦେଶ୍ୟ କଣ ତାହା ଜଣାପଡ଼ି ନାହିଁ।</p>