ଭବାନୀପାଟଣା (ରାଜକୁମାର ସିଂହଦେଓ): ରନ୍ଧା ଖାଦ୍ୟ ଯୋଗାଇବା ବନ୍ଦ କରିଦେଲେ ମହିଳା ସ୍ୱୟଂସହାୟକ ଗୋଷ୍ଠୀ। ଯେଉଁଥିପାଇଁ ଦିନ ସାରା ଖାଡ଼ା ଉପବାସରେ ରହିଛନ୍ତି ଛାତ୍ରଛାତ୍ରୀ। ହେଲେ ପ୍ରଧାନଶିକ୍ଷକଙ୍କ ଦେଖାନାହିଁ। ଆଜି ଏପରି ଚିତ୍ର ଆସିଛି କଳାହାଣ୍ଡି ଜିଲ୍ଲାରୁ।
ଲାଞ୍ଜିଗଡ ବ୍ଲକ୍ ଅନ୍ତର୍ଗତ ଛତ୍ରପୁର ଏକ ଆବାସିକ ବିଦ୍ୟାଳୟକୁ ମଧ୍ୟାହ୍ନ ଭୋଜନ ଓ ହଷ୍ଟେଲ୍କୁ ମହିଳା ସ୍ୱୟଂସହାୟକ ଗୋଷ୍ଠୀ ରନ୍ଧା ଖାଦ୍ୟ ଯୋଗାଉଥିଲେ। ହେଲେ ଗତ ତିନି ମାସରେ ପ୍ରଧାନଶିକ୍ଷକ ମମତା ସେନାପତି ସ୍ୱୟଂ ସହାୟକ ଗୋଷ୍ଠୀ ମହିଳାଙ୍କୁ ଟଙ୍କା ଦେଉନଥିଲେ। ଏନେଇ ମହିଳାମାନେ ଜିଲ୍ଲପାଳ ଓ WEOଙ୍କ ପାଖରେ ଅଭିଯୋଗ କରିଥିଲେ। ମାତ୍ର କେହି କର୍ଣ୍ଣପାତ କରିନଥିଲେ।
ଶେଷରେ କିଛି ଉପୟ ନପାଇ ମହିଳାମାନେ ଆଜି ହଷ୍ଟେଲକୁ ଦେଉଥିବା ରନ୍ଧା ଖାଦ୍ୟ ବନ୍ଦ କରିଦେଇଥିଲେ। ଏପରିକି ସ୍କୁଲରେ ତାଲା ପକାଇ ଦେଇଥିଲେ। ଯେଉଁଥିପାଇଁ ହଷ୍ଟେଲରେ ରହୁଥିବା ପିଲାମାନେ ଦିନ ସାରା ଭୋକ ଉପବାସରେ ରହିଛନ୍ତି। ହକି ବିଶ୍ୱକପ୍ ପ୍ରମୋସନ୍ରେ ମିତିଥିବା ପ୍ରଶାସନ ଏଥିପ୍ରତି ତଳେ ମାତ୍ର ନଜର ଦେଇନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
