ଆନନ୍ଦପୁର (ମୁନ୍ନା ସିଂ): ମୋବାଇଲ୍ରେ ପାଠ ପଢ଼ିବାକୁ ବାରଣ କରିବାରୁ ଝୁଲି ପଡ଼ିଲେ ଜଣେ ମେଧାବୀ ଛାତ୍ର। ଏପରି ଦୁଃଖଦ ଘଟଣା କେନ୍ଦୁଝର ଜିଲ୍ଲା ଆନନ୍ଦପୁର ଅଞ୍ଚଳରେ ଘଟିଛି।
ଅକରୁଆ ଗାଁର କାଳିଆ ଜେନାଙ୍କ ପୁଅ ଲିଟେସ୍ ଜେନା ଆନନ୍ଦପୁର ମହାବିଦ୍ୟାଳୟରେ ଯୁକ୍ତ ୩ରେ ବିଜ୍ଞାନ ବିଭାଗରେ ପଢ଼ୁଥିଲେ। ସେ ଜଣେ ମେଧାବୀ ଛାତ୍ର ଥିଲେ। ଚାକିରି କରିବା ପାଇଁ ଲକ୍ଷ୍ୟ ରଖିଥିଲେ। ସେଥିପାଇଁ ସବୁ ବେଳେ ଘରେ ରହି ଅନ୍ଲାଇନରେ ପାଠ ପଢ଼ୁଥିଲେ।
ମୋବାଇଲରେ ପାଠ ନପଢି ବାହାରେ ବୁଲା ବୁଲି କରିବା ପାଇଁ ପରିବାର ଲୋକେ କହୁଥିଲେ। ହେଲେ ଲିଟେସ୍ ଏଥିରେ ରାଜି ନଥିଲେ। ଯେଉଁଥିପାଇଁ ସେ ମାନସିକ ଦୁଶ୍ଚିନ୍ତାରେ ଥିଲେ। ଆଜି ସେ ମାନସିକ ଭାରସାମ୍ୟ ହରାଇ ଘର ଭିତରେ ରଶି ଲଗାଇ ଦେଇଥିଲେ। ପରିବାର ଲୋକେ ଜାଣିପାରି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଲିଟେସଙ୍କ ଭଳି ମେଧାବୀ ଛାତ୍ରଙ୍କ ମୃତ୍ୟୁରେ ଆନନ୍ଦପୁର କଲେଜ ସମେତ ଗ୍ରାମରେ ଶୋକରେ ଛାୟା ଖେଳି ଯାଇଛି।